web counter
LEXO PA REKLAMA!

SHKARKO APP

App Store
Google Play

Cungu optimist: Vetëm kështu mund t'i mundim azerët, na ndihmoi Ansi Agolli

27 Gusht 2020, 07:37, Sport CNA

Laçi është gati për të sfiduar Keshlan. Luajnë në transfertë, por kjo nuk i frikëson kurbinasit. Skuadra u nis dje në mëngjes drejt Azerbajxhanit dhe pasdite kryen të fundit stërvitje në ?Ask Arena?. Armando Cungu e di që do të jetë e vështirë, e megjithatë beson te kualifikimi. Forca e grupit është ajo që i jep shpresë, ndaj edhe futbollistëve ua ka bërë të qartë që të tregojnë të njëjtën etje dhe dëshirë që kanë shfaqur në kampionat. Gjatë një interviste të dhënë enkas për ?Panorama Sport?, trajneri rrëfen se i ka ardhur në ndihmë Ansi Agolli, i cili për vite të tëra ka luajtur dhe jetuar në tokën azere.

Profesor, si shkoi stërvitja e fundit në tokën azere?
Stërvitja shkoi mirë, ishte në normalitetin e saj. Kemi më shumë se dy javë që përgatitemi në fakt, ndaj kjo seancë e fundit më së shumti shërbeu për të vendosur pikat ?i? dhe për t?u përshtatur sigurisht me terrenin e stadiumit, ku do të luajmë nesër (sot) ndaj Keshlas.

Pjesëmarrja në Europë tashmë nuk u bën më përshtypje kurbinasve dhe kjo dihet, ndaj qëllimi është kalimi i një turi. E kalueshme Keshla?
Unë pres nga ekipi vetëm që të luajmë futbollin tonë dhe mbi të gjitha të tregojmë karakterin, dëshirën dhe etjen që shfaqëm gjatë gjithë sezonit. Nëse ndodh kjo, besoj te kualifikimi.

Cili është lojtari që duhet pasur kujdes te kundërshtari?
Kundërshtari ka pikat e forta të saj, sikurse edhe të dobëtat. Por mos harroni, edhe ekipi ynë dallohet për forcën e grupit.

Në Azerbajxhan prej vitesh luante dhe jetonte Ansi Agolli, i keni kërkuar ndonjë informacion para kësaj ndeshjeje?
Më lejo ta falënderoj përmes jush këtë djalë dhe sportist model. Agolli është i gatshëm gjithmonë për të ndihmuar miqtë. Një shqiptar që të bënë krenar.





Lajmet e fundit nga