web counter
LEXO PA REKLAMA!

SHKARKO APP

App Store
Google Play

Pse serbët i urrejnë shqiptarët/ Shkencëtarja: Kanë albanofobi

27 Gusht 2020, 13:53, Sociale CNA

Shkencëtarja serbe Dubravka Stojanovic ka shpjeguar pikëpamjen serbëve për shqiptarët. Stojanoviç ka thënë për mediat e shtetit fainj se serbët kanë albanofobi.

?Albanofobia ose urrejtja ndaj shqiptarëve, është shumë e pranishme në Serbi. Albanofobia shprehet me stereotipe negative, me paragjykime dhe diskriminim ndaj pjesëtarëve të popullit shqiptar?, thotë shkencëtarja.

Ajo gjithashtu tregon se Albanofobia mund të marrë formën e racizmit, nëse është e lidhur me besimin se shqiptarët janë një lloj race inferiore. Ndjenjat anti-shqiptare janë pasqyruar në përdorimin e titullit ?shiptari?, që kanë konotacione negative dhe në gjuhën serbe konsiderohet ofendim.

?Fillimet e propagandës anti-shqiptare në Serbi datojnë që nga fundi i shekullit të 19-të dhe janë të lidhura me aspiratat e shtetit serb ndaj territoreve të Perandorisë Otomane, të cilat banoheshin nga shqiptarët. Pas luftës serbo-turke dhe zgjerimit territorial të Principatës së Serbisë në vitin 1878, ndodhin dëbime masive me dhunë të shqiptarëve etnikë nga rajonet e pushtuara (kryesisht nga rrethi i Toplicës, dikur i banuar me shqiptarë) dhe duke djegur fshatrat shqiptare dhe pjesë të qyteteve.

Edhe pse shumë personalitete serbe atëherë e kanë kundërshtuar dëbimin e popullsisë shqiptare, kryeministri serb Milan Piro?anac me këtë rast kishte deklaruar për këtë: Nëse do t?i lejonim të qëndrojnë këtu, do të na krijojnë probleme?, tregon shkencëtarja, trasnmeton Gazeta Metro.

Rritja e mëtejshme e ndjenjave anti-shqiptare lidhen me pretendimet e politikës së jashtme të Principatës së Serbisë të parapara në Nacertanije, në Kosovë, Maqedoninë perëndimore dhe veri të Shqipërisë, të cilat janë të banuara nga popullsia muslimane shqiptare.

Autorët serbë i përshkruajnë shqiptarët si banditë dhe uzurpatorë, duke theksuar krimet e tyre kundër serbëve gjatë periudhës osmane./ CNA.al





Lajmet e fundit nga