web counter
LEXO PA REKLAMA!

SHKARKO APP

App Store
Google Play

Frikë nga shpërthimi i virusit në vjeshtë/ Tomini: Strukturat epidemiologjike janë në alert

27 Gusht 2020, 14:22, Lifestyle CNA

Shefja e Epidemiologjisë pranë ISHP, Eugena Tomini, tha se strukturat epidemiologjike janë në alert për të vlerësuar se çfarë do të ndodhë në vjeshtë, kur shpërthen edhe gripi stinor.

Tomini deklaroi se situata do të jetë e vështirë, pasi nuk dihet nëse gripi dhe virusi do ta zbusin apo forcojnë njëri-tjetrin.

?Çdo survejancë ka vështirësitë e veta. Edhe këtë vit është e vështirë sepse qarkullojnë disa infeksione. Parashikohet që të qarkullojnë paralelisht gripi dhe Covid. Nuk dimë karakteristikat, do të forcojnë apo të zbusin njëri-tjetrin. Jemi të gjithë strukturat epidemiologjike në alert për të vlerësuar çdo situatë të mundshme?, u shpreh ajo në Tv Klan.

Përsa i përket hapjes së shkollave, shefja e Epidemiologjisë dha disa këshilla, ndërsa theksoi se roli i mësuesit është vendimtar.

?Ky angazhim është maksimal në qëndrimi në klasë, në mosqenien në grupe fëmijët me njëri-tjetrin, të mos shoqërohen edhe gjatë daljes nga orët e mësimit. Të kryejnë aktivitetet bazë dhe më pas aktivitetet e tjera shoqërore e artistike. Të minimizohen përkundrejt orëve të mësimit?, nënvizoi Tomini./ CNA.al





Lajmet e fundit nga