web counter
LEXO PA REKLAMA!

SHKARKO APP

App Store
Google Play

Gjunjëzohet Interi/ Sevilia e mund dhe fiton Europa League (VIDEO)

21 Gusht 2020, 20:58, Sport CNA

Sevilla nuk ka ndërmend të ndalet në Europa League, teksa ka vendosur rekord të pabesueshëm, duke triumfuar për herë të gjatë në histori të kompeticioni, po aq herë sa ka qenë në finale.

Skuadra spanjolle u konfirmua edhe sonte si eksperte e këtij kompeticioni, duke mposhtur Interin me rezultat 3-2.

Secili nga të dy ekipet shijuan epërsinë nga një herë në 45 minutat e para. Romelu Lukaku (5?) realizoi fillimisht nga pika e bardhë, para se Luuk de Jong (12?) të barazonte rezultatin.

Sulmuesi holandez (33?) shënoi sërish me kokë për t?i dhënë epërsinë skuadrës spanjolle, megjithatë Diego Godin (36?) baraspeshoi sërish rezultatin.

Në gjysmën e dytë të dyja ekipet luajtën me kujdes të shtuar, duke bërë që detaje të vogla të vendosnin fituesin.

Qendërmbrojtësi Diego Carlos (74?) bëri një goditje me roveshadë, ku falë një devijimi padashje të Lukakut bëri që topi të përfundonte në rrjetë.

Ky ishte momenti vendimtar i ndeshjes, me skuadrën e Lopeteguit që fitoi për herë të gjashtë në histori Ligën e Evropës, njëkohësisht ekipi më i dekoruar me këtë trofe.

Në anën tjetër, skuadra e Antonio Conte mbetet pa trofe edhe një sezon tjetër duke treguar se i duhet ende punë për t’u bërë një ekip konkurues./CNA.al





Lajmet e fundit nga