web counter
LEXO PA REKLAMA!

SHKARKO APP

App Store
Google Play

E fundit!

x

Situata në kufi/ Vasili kërkesë SPAK-ut: Të fillojë urgjentisht ndjekje penale ndaj Ramës

17 Gusht 2020, 16:07, Politikë CNA

Numri 2 i LSI-së Petrit Vasili ka reaguar lidhur pas radhëve kilometrike të krijuara në kufi gjatë ditëve të fundit dhe ka publikuar dokumentin e ambasadës Shqiptare në Greqi, e cila ka informuar qeverinë në lidhje me situatën, që në datë 5 gusht.

Vasili kërkon që SPAK të ndjekë penalisht kryeministrin Edi Rama për atë që ai e quan dramë të shqiptarëve në kufi.

Ai thotë se ndonëse u informua, Rama nuk mori asnjë veprim dhe nuk i njoftoi shqiptarët për vendimet e qeverisë greke.

?Edi Rama Kryeministër dhe Ministër i Jashtëm është njoftuar që në datë 5 gusht nga Ambasadorja shqiptare në Athinë për vendimet e Qeverisë Greke. Edi Rama:

– nuk ndërmori asnjë veprim konkret shtetëror,

– nuk ngriti asnjë strukturë për të menaxhuar situatën dhe parandaluar këtë katastrofë humanitare

– nuk njoftoi publikisht shqiptarët për këto vendime,

– nuk ndërmori asnjë negociatë me qeverinë greke për t?i dalë të keqes përpara

– nuk vuri në dispozicion të gjithë kapacitetet e testimit,

– nuk përgatiti asgjë në pikëpamje humanitare për menaxhimin në vend të kësaj situate,

Shpërdorimi i detyrës dhe neglizhenca e Edi Ramës me pasoja të rënda është sheshit. Edi Rama zgjodhi plazhin dhe jo detyrën. SPAK-u nëse ekziston më si strukturë duhet të veprojë urgjentisht dhe të fillojë ndjekjen penale ndaj Edi Ramës.

SPAK-u të zgjedhë ose do të jetë në krahun e të drejtës dhe të shqiptarëve ose përballë tyre kundër të drejtës dhe në krah të Edi Ramës. Shikoni vetë Dokumentin që në 5 gusht ku Ambsadorja Shqiptare në Athinë njofton Qeverinë Shqiptare?, shkruan Vasili në rrjetet sociale./ CNA.al





Lajmet e fundit nga