web counter
LEXO PA REKLAMA!

SHKARKO APP

App Store
Google Play

“Prindërit e mi ëndërronin të ktheheshin në Kosovë”/ Dua Lipa rrëfen vështirësitë e familjes

16 Gusht 2020, 11:54, Lifestyle CNA

Këngëtarja me origjinë shqiptare Dua Lipa, ka rrëfyer vështirësitë e rrugëtimit të prindërve të saj në Mbretërinë e Bashkuar.

Revista e njohur Ë Magazine përveç sukeseve që ka arritur deri më tani këngëtarja, gjithashtu ka shkruar për peripecitë dhe jetën si refugjatë të prindërve të këngëtares.

?Dua Lipa vjen nga një familje shumë liberale e muzikantësh (babai i saj ishte këngëtar i grupit ODA, një grup kosovar i muzikës ?rock?) dhe akademikë (gjyshi i saj ishte një historian), dhe u rrit kryesisht në Londër, por gjuha e saj e parë është shqipja dhe ajo është vajzë e refugjatëve?, shkruan ?Ë Magazine? për artisten shqiptare.

Më tej revista shkruan: ?Në vitin 1992, tre vjet para lindjes së saj, familja e saj u dëbua nga qyteti i lindjes së tyre, Prishtinë, nga forcat nën drejtimin e presidentit serb Slobodan Milosevic.

Në kohën kur familja Lipa u rikthye në vendlindje në vitin 2006, kur Dua ishte 11-vjeçare, Kosova kishte duruar një luftë që rezultoi me mijëra vdekje civile, shpërngulje masive të popullsisë dhe krime lufte, për të cilat u akuzuan më vonë një numër zyrtarësh, përfshirë Milloshevicin në Gjykatën Ndërkombëtare të Drejtësisë në Hagë?.

?Prindërit e mi gjithmonë ëndërronin të ktheheshin në Kosovë. Unë mendoj se një gjë që njerëzit nuk e kuptojnë, veçanërisht me situatën e refugjatëve për momentin, është se thjeshtë askush nuk largohet nga vendlindja, përveç nëse dëshiron të kujdeset për familjen e tyre ose janë në kohë krize?, ka thënë më tej këngëtarja me origjinë shqiptare./ CNA.al





Lajmet e fundit nga