E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Kanë vdekur 404 qytetarë më shumë në 2019”/ Goxhaj publikon statistikat dhe hedh akuza ndaj PD-së: Çfarë deklaroi Basha në Qershor

16 Gusht 2020, 18:09, Politikë CNA

Avokati Altin Goxhaj ka qenë i ftuar pasditen e sotme në Fax news, ku ka sjellë disa krahasime shifrash që sipas tij janë të marra nga INSTAT, ndërsa tregohen përqindjet e vdekjeve nga gripi në vend.

Sipas Goxhajt në vitin 2020 ka pasur 404 viktima më pak krahasuar me periudhën 6 mujore të një viti më parë nga gripi, ndërsa në krahasim me vitin 2017 që ai e quan flamë, kanë vdekur 1250 veta më shumë.

?Në të njëjtën periudhë të një viti më parë, kanë vdekur 404 veta më shumë në periudhën janar-qershor. Ne kemi plandemi, mbyllim popullin, shkatërrojmë ekonominë. Duke qenë 404 më pak se viti 2019, duke marrë projeksionet e viteve të kaluara, larg qoftë sikur të kemi edhe 5 të vdekur në ditë, nuk jemi në ndonjë nivel që të bjeri në sy me janarin e vitit 2017 ku gjatë këtij muaj kanë vdekur 1250 veta më shumë. Gripi gjithmonë në Shqipëri në tremujorin e parë ka vrarë më tepër shqiptarë. Në 2020 kanë vdekur më pak se në vitin 2017.

Po të zbresim poshtë, dallohet që numri i të vdekurve në 2019-2020, ka më pak të vdekur se gjithë vitet e tjera. Edhe sikur të rritet numri, viti 2020 nuk është asgjë në krahasim me vitin 2017. Ka qenë një flamë e vërtetë, askush nuk e mbylli Shqipërinë. Ne e shkatërrojmë Shqipërinë se kanë vdekur 404 veta më pak se një vit më parë. Në gjashtëmujorin e dytë të këtij viti kanë vdekur më pak se në tremujorin e parë të këtij viti, jo për shkak të karantinës, por gjithmonë në periudhën e fillim vitit kemi më shumë të vdekur?, tha Goxhaj.

Ai ka hedhur akuza ndaj PD-së se ka paralajmëruar për në vjeshtë atë që bënte sipas tij Rama në fillim të pandemisë, izolimin e vendit, ndërsa të gjitha këto i lidh me shkatërrimin e ekonomisë.

?Po na vrasin jo për shkak të kovidit por të plandemisë së qeverisë. Nuk botojnë statistikat e 6 mujorit të parë të 2020 në Itali, e vetmja që publikojnë janë shifrat e para 2018, edhe ndodh sepse është një plandemi. Pardje Enno Bozdo ka dalë në një deklaratë, dhe ka paralajmëruar dhe bërë thirrje për të justifikuar qeverinë se do mbylli Shqipërinë se do bëhet nami. Sepse Basha vetë kur u pyet në Qershor, tha po të isha unë do ta mbyllja fare Shqipërinë se kështu më kanë thënë miqtë e mi në Amerikë dhe Izrael?, tha ai.