E fundit!

11:27 Aktualitet

Ç’punë kanë çunat e Albinit në protestat e Shqipërisë?

Në protestat e zhvilluara gjatë këtyre ditëve në Tiranë ja...

Kulluri përmend vilat e Bashës/ “Godet” opozitën dhe Rilindjen: 2021-shi do jetë fatal nëse…

16 Gusht 2020, 08:31, Politikë CNA

?Rotacioni si produkt i nihilzmit do ishte një hiç! Më keq akoma, do shkatërronte më tej shpresën se në Shqipëri mund të jetohet!?

Kështu deklaron ish-anëtari i Këshillit Kombëtar të PD-së Edvin Kulluri, i cili thotë se topi duhej të ishte në fushën e opozitës e cila përveçse konstaton keq/qeverisjen nuk hedh dot asnjë hap drejt një modeli më të mirë.

?Në Shqipëri 4 vjet qeverisje për një parti janë pak ndërsa 8 janë shumë! Por me Ramën edhe 4 ishin shumë për shkak të dështimit me premtimet e 2013 me të cilat duhet të matej! 4 vitet e dyta janë inerci e dështimeve të 4 viteve të para, diçka e paprecedentë në 30 vjet!

Ndaj topi duhej të ishte në fushën e opozitës e cila përveçse konstaton keq/qeverisjen nuk hedh dot asnjë hap drejt një modeli më të mirë! Përkundrazi, shfaq të njejtat simptoma të Rilindjes në opozitë, duke dekurajuar rotacionin. Për arsye të thëna e stërthëna në 3 vjet, pas 2017 opozita ka ofruar modelin më të keq të së djathtës si alternative qeverisëse. Klientelizëm ndaj oligarkëve, servilizëm dhe mediokritet në ekipin e saj, paqartësi në politikën e jashtme (kryetari i saj paguan 30 mijë USD për ftesë zyrtare në SHBA), dhe asnjë qasje të ndryshme në ekonomi përveç remineshecës se qeverisjes 2005-2013 por e rilexuar keq dhe jashtë konstektstit aktual!?, shkruan ai në rrjetet sociale, ndërsa përmend vilat e kryetarit të Republikës së Re Lulzim Basha.

Sipas tij, shtimi i vilave të Bashës, është mesazhi më i keq që mund tu japësh njerëzve të stërlodhur nga qeveria.

Politikani paralajmëron se 2021-shi do të jetë fatal nëse nuk zgjedhje nuk do të kandidojë një parti e tretë apo e katërt.

Të sulmosh mbylljen e mundësive ekonomike apo karrierës për 95% të qytetarëve për shkak të polarizimit ekstrem të shoqërisë duke shtuar vilat e kryetarit të opozitës është mesazhi më i keq që mund tu japësh njerëzve të stërlodhur nga një qeveri e korruptuar dhe arrogante në ekstrem!

Politika ka qenë, është dhe do të jetë moral në një shoqëri demokratike! Por edhe inteligjencë për t?i dhënë kuptim garës për qeverisjen! Masovizmat sovjetike të tipit ?një anëtar, një votë? siç e përdori Rama për vete në zgjedhjet për kryetar të PS, nuk inkurajojnë debatin dhe konkurencën por shërbejnë vetëm si propagandë banale ?në emër të popullit?!

Elektorati inteligjent i PS dhe PD e akoma më tej ai gri, po sillet si indiferent ndaj zhvillimeve politike pasi vetëm zhvillime nuk janë! 3 vitet e fundit politika po riprodhon veçse konflikte artificiale pasi nuk përplasen për asgjë thelbësore! Dy anë të së njëjtës mendalje nuk krijojnë dot dialektike konkuruese!

Por votuesit e majtë dhe të djathtë apo gri që refuzojnë Rilindjen dhe Republikën e Re nuk kanë për kë të votojnë! Faktorët politikë që kundërshtojnë Ramën dhe Bashën me të drejtë, ende nuk po ndërmarrin iniciativa konkrete për të konkuruar këtë ?kënete liberale? që vetëm me liberalizmin nuk ka lidhje. Nëse nuk ka një zgjedhje të tretë apo të katërt, 2021 do jetë fatal! Jo vetëm sepse pjesëmarrja do jete e ulët ç?ka do delegjitimojë qeverisjen, por sepse mes dy të të ngjashmeve humb vlerën ?zgjedhja e lirë?, që është vlera më e madhe e demokracisë!?, nënvizon Kulluri. /CNA.al