web counter
LEXO PA REKLAMA!

SHKARKO APP

App Store
Google Play

E fundit!

x

A do ketë plazh për javën që vjen?/ Moti sjell surpriza

9 Gusht 2020, 12:20, Sociale CNA

Ditët e javës që po vjen duket se do të kenë të njëjtin parashikim si edhe javën e kaluar. Të ndikuar nga disa kushte atmosferike specifike, të gjitha ditët duke filluar që nga ajo Hëna deri te e Premtja, ditët nisin me mot të kthjellët në të gjithë territorin.

Shërbimi Meteorologjik parashikon se nga orët e mesditës deri ato të pasdites do të ndodhë fenomeni i zhvillimit të vranësirave mesatare deri të dendura në relievet kodrinore-malore ndërsa vija bregdetare dhe një pjesë e ultësirës perëndimore do të ketë vranësira të pakta kalimtare.

Në orët e nxehta të ditës në relievet kodrinore-malore vranësirat do të shoqërohen me reshje shiu të herëpashershme me intensitet të ulët, por hera herës reshjet në kohë afatshkurtër do të marin karakterin e shtrëngatave dhe stuhive. Ndërkohë ata të cilët po shijojnë pushimet pranë vijës bregdetare mund të rrijnë të qetë pasi nuk do të preken nga reshjet e shiut.

Gjithashtu ditët do të mbyllen me mot kryesisht të kthjellët e vranësira të pakta kalimtare në lindje tëterritorit. Si përfundim për pushuesit në plazh shqetësim i lehtë mund të jetë fenomeni i erës pasi nga orët e mesditës deri ato të pasdites fiton itensitet dhe shpejtësi që mund të arrijë deri në 5-8m/s./ CNA.al





Lajmet e fundit nga