web counter
LEXO PA REKLAMA!

SHKARKO APP

App Store
Google Play

E fundit!

x

“Duam ujë, rrugë, ndriçim dhe kanalizime!”/ Banorët e fshatit Barç në Korçë dalin në protestë

6 Gusht 2020, 10:33, Sociale CNA

Banorët e fshatit Barç në Korçë kanë dalë në rrugë për të protestuar për mungesën e ujit të pijshëm.

Ata kanë kërkuar plotësimin e kërkesave të parashtruara në Bashkinë e Korçës nëpërmjet peticionit që kanë firmosur dhe dorëzuar në bashki para 1 muaji.

Disa nga kërkesat që ata kanë parashtruar në bashki janë investimet që fshati nuk i ka ndjerë gjatë 30 viteve të fundit, uji i pijshëm, kanalizimet, rruga tejet e amortizuar dhe mungesa e ndriçimit publik. Banorët shprehen se në mosrealizimin e kërkesave të tyre ata do te përshkallëzojnë protestat.

Pas protestës së banorëve të fshatit Barç ka reaguar ish-deputeti i LSI-së Endrit Brahimllari, duke deklaruar se Korça është lënë në harresë nga qeveria aktuale.

Përmes një postimi në rrjetet sociale, Brahimllari shkruan se është e pafalshme që zonat më prodhuese të Shqipërisë të përballen me mungesën e investimeve në infrastrukturë dhe në mungesën e ujit të pijshëm.

“Korça e lene ne harrese.
Koha e fasadës dhe e kryetareve te bashkisë kukull ka marre fund është koha e sherbimit qytetar. Protesta e banoreve te Barçit ne bashkine e Korçës por jo vetëm, tregon qarte mungesën e investimeve ne këto zona. Është e pafalshme qe zonat me prodhuese te Shqipërisë te përballen me mungesën e investimeve ne infrastrukture dhe ne mungesën e ujit te pijshëm.
Mungesa e ndriçimit publik, mungesa e ujit te pijshëm por edhe mungesa e investimeve ne infrastrukturën rrugore e ka bere jetën e këtyre banoreve te vështire dhe te pajetueshme. Bashkia Korçe te mos flejë gjumë, te lere investimet fasade dhe klienteliste por te përqendrohet tek shqetësimi i vërtete i qytetareve. Koha e fasadës dhe e kryetareve te bashkise kukull ka marre fund është koha e shërbimit qytetar”, shkruan ish deputeti i LSI-së./CNA.al





Lajmet e fundit nga