web counter
LEXO PA REKLAMA!

SHKARKO APP

App Store
Google Play

E fundit!

x

12 mijë pushues nga Maqedonia e Veriut hyjnë në Shqipëri

2 Gusht 2020, 12:17, Aktualitet CNA

Pika e kalimit kufitar të Qafë-Thanës ka regjistruar një fluks të lartë hyrjesh. Nga kjo doganë prej Maqedonisë së Veriut kanë hyrë mbi 12 ooo persona, pjesa më e madhe e të cilëve për qëllime turistike.

Bëhet fjalë kryesisht për pushues të cilët u drejtohen brigjeve shqiptare nga veriu në jug për të pushuar.

Numri i lartë i lëvizjeve ka sjellë fluks në këtë pikëkalimin, ku një ditë më parë u shënua edhe shifra më e lartë e lëvizjeve. Nga Maqedonia e Veriut në drejtim të Shqipërisë vetëm paraditen e sotme nga Qafë Thana kanë hyrë mbi 3000 shtetas, ndërsa nga autoritetet tona punohet me 3 sportele në hyrje dhe 2 në dalje. Me kapacitet të plotë punon edhe pala maqedonase për të shmangur vonesat për udhëtarët.

Sakaq, pasditen e sotme fluksi i lëvizjes pritet të jetë i lartë në dalje për shkak të kthimit të shqiptarëve të Maqedonisë së Veriut, të cilët kanë kaluar fundjavën në bregdetin shqiptar dhe kjo do të kërkojë që autoritetet tona të shtojnë numrin e sporteleve në dalje. /CNA.al





Lajmet e fundit nga