E fundit!

21:11 Kosova & Bota

Vuçiç shpall zgjedhjet e parakohshme

Presidenti i Serbisë, Aleksandër Vuçiç, në një konferencë ...

Lilaj konfirmon rikthimin: Do e pranoja me kënaqësi një ofertë nga Shqipëria

29 Korrik 2020, 12:34, Sport CNA

Klubet do të kenë më pak kohë këtë vit për merkato, por kjo nuk do të thotë se nuk kanë nisur që të piketojnë goditjet e duhura. Për këtë, gazeta ka njoftuar se si për shumë lojtarë cilësorë po zhvillohet një derbi mes Tiranës dhe Partizanit edhe për shërbimet e Sabien Lilajt. Mesfushori i Kombëtares, ekskluzivisht për ?Panorama Sport? zbulon dëshirën e tij dhe si është e vërteta në lidhje me interesimin e tyre.

Lilaj, si ishte aventura në Izrael për ju?
Pavarësisht se përfundoi keq, me rënien e ekipit, ishte një aventurë e bukur dhe pozitive në aspektin personal. Them se ka qenë një vit personal mbimesatar. Unë jam i kënaqur, pasi ishte një vend ku futbolli pëlqehej shumë dhe të gjithë e ndiqnin me një pasion të veçantë.

Tirana dhe Partizani ju kanë në listën e dëshirave, si po shkojnë tratativat?
Ndihem i vlerësuar kur dëgjoj që dy klubet më të titulluara në Shqipëri kanë interes. Është krenari! Por të them të drejtën, nuk është se kam pasur kontakte direkte me të dyja ekipet. Për momentin jam duke pritur nëse do të vijë diçka e mirë nga jashtë, sepse mendoj se mund të luaj një apo dy vite jashtë në nivele të mira. Gjithsesi, me kënaqësinë më të madhe do pranoja që të kthehesha edhe në Shqipëri. Kjo sepse përveç futbollit, do jem edhe pranë familjes dhe do bëj zgjedhjen e duhur në ditët në vijim.

Si një ish-bardheblu, në rast ofertash të ngjashme, cilën do zgjidhnit?
Nuk kam oferta konkrete? Tiranën e vlerësoj shumë sepse atje kam bërë hapat e parë si profesionist. Partizani është një nga klubet më të mira të kampionatit shqiptar. Kështu që një futbollist profesionist do të luante kudo që e vlerësojnë dhe kudo që ndihet mirë. Për të respektuar që të dyja ekipet, nuk po zgjedh njërën apo tjetrën, në mungesë të një oferte konkrete direkte apo të një bisede të drejtpërdrejtë për interesime, detaje bashkëpunimi apo pagese.

Çfarë ndodh me mundësitë jashtë, keni oferta konkrete?
Kam pasur disa oferta konkrete, sidomos nga kampionati izraelit, por për shkak të situatës së Koronavirusit atje rrogat janë gati përgjysmuar. Ndaj nuk ia vlen që të sakrifikosh një vit thjesht për të luajtur jashtë. Kështu që për momentin i kam refuzuar të gjitha dhe jam duke pritur. Nuk më pëlqen që të jap emra konkretë përderisa akoma nuk është se kam vendosur diçka. Për momentin, jam duke u stërvitur vetë dhe jam gati për çdo lloj ekipi. Jam i hapur.

Ju ka munguar Kombëtarja?
Sigurisht! Kombëtarja i mungon çdo futbollisti që e ka provuar atë ndjenjë, emocion që të jep fanella kuqezi. Por si çdo futbollist, është me moshë ajo. Është një periudhë e shkurtër. Kombëtarja kishte plane të tjera për të rinovuar dhe krijuar një grup të ri. Unë, çdo herë që jam thirrur kam dhënë maksimumin, pasi grumbullimi me të është një përgjegjësi e madhe