web counter
LEXO PA REKLAMA!

SHKARKO APP

App Store
Google Play

E fundit!

x

Superliga ul siparin/ Ja 5 sfidat e javës së fundit që luhen sot

29 Korrik 2020, 09:08, Sport CNA

Kategoria Superiore përfundon ditën e sotme, pas një sezoni që zgjati shumë ashtu si dhe në pjesën tjetër të Europës, si pasojë e koronavirusit. Sot, skuadrat luajnë të relaksuara duke qenë se pozicionet në renditje tashmë mund të konsiderohen të stabilizuara dhe nuk priten ndryshime. Kështu, Kukësi udhëton drejt Gjirokastrës, ku Luftëtari luan të fundit në Superiore. Verilindorët duhet të mos gabojnë në mënyrë që më pas, të humbasin vendin e dytë në favor të Laçit. Sakaq, kurbinasit nga ana e tyre shkojnë në Durrës, për të gjetur përballë Teutën.

Ndërkohë, në Korçë, Skënderbeu pret Partizanin që këtë sezon mund ta konsiderojë të dështuar duke mos arritur asnjë objektiv. Një tjetër sfidë pas objektiva është ajo mes Vllaznisë dhe Flamurtarit. Edhe vlonjatët luajnë të fundit në Superiore për këtë sezon teksa vitin e ardhshëm janë pjesë e Kategorisë së Parë. Ndërkohë, këtë do të mungohet të shmangë Vllaznia e cila do të luajë në play-off pasi nuk ia doli të shmangë vendin e tetë.

Sakaq, në kryeqytet ka festë. Tirana do të ngrejë lart trofeun e 25 pas 11-viteve pritje. Bardheblutë presin Bylisin në stadiumin Air Albania, ku 90-minutëshi mund të duket i gjatë për kampionët që mendjen e kanë te ceremonia e festa pas ndeshjes. Aspekti i vetëm negative është mungesa e tifozëve në stadium, megjithatë klubi pret të organizojë një festë në një moment të dytë, kur edhe situata nga koronavirusi të jetë më në kontroll.

Ndeshjet:

17:45 Luftëtari-Kukësi

17:45 Vllaznia-Flamurtari

19:00 Tirana-Bylis

20:45 Skënderbeu-Partizani

20:45 Teuta-Laçi





Lajmet e fundit nga