web counter
LEXO PA REKLAMA!

SHKARKO APP

App Store
Google Play

OBSH kundërshton pretendimet e SHBA-ve për njëanshmëri/ Tedros: Komentet e Pompeos, të pa vërteta

23 Korrik 2020, 20:37, Kosova & Bota CNA

Drejtori i përgjithshëm  i Organizatës Botërore të Shëndetësisë (OBSH), Tedros Adhanom Greberejsus,  i është rikthyer edhe njëhere pretendimeve të SHBA-ve, se Organizata Botërore e Shëndetit (OBSH) ka bashkëpunuar në mënyrë të njëanshme me Kinën.

Në daljen e tij, dr.Tedros deklaroi se komentet e sekretarit amerikan të Shtetit Mike Pompeo, për njëanshmërinë e tij ishin të pavërteta  dhe nuk do ta pengojnë në punën e tij  me luftën kundër koronavirusit.

Tedros është përballur me kritika,  veçanërisht nga ana e presidentit amerikan Donald Trump dhe sekretari Pompeo,  të cilët e akuzuan se është pro-kinez, transmeton Euronews.

?Komentet janë të pavërteta dhe të papranueshme dhe pa kurrfarë baze pas kësaj çështje?, tha drejtori i përgjithshëm i OBSH-së në Gjenevë për komentet e Pompeos nga Londra,  kur e vuri në dyshim  pavarësinë e tij.

?Fokusi ynë i vetëm dhe i gjithë organizatës  është shpëtimi i jetëve?, tha Tedros, duke shtuar se OBSH  nuk do të përzihet  në komentet e tilla  dhe nuk dëshiron të pengohet nga bashkësia ndërkombëtare. Ai, gjithashtu, theksoi se OBSH po sheh transmetim intensiv të koronavirusit në një numër relativisht të vogël të vendeve. ?Dy e treta e rasteve  janë nga 10 shtete. Pothuajse  gjysma e rasteve janë regjistruar  vetëm në tre vende?, tha Tedros. /CNA.al





Lajmet e fundit nga