web counter
LEXO PA REKLAMA!

SHKARKO APP

App Store
Google Play

“Ekipi po na zhgënjen”/ Muka: Situata po menaxhohet sikur jemi një shekull mbrapa

21 Korrik 2020, 17:50, Lifestyle CNA

Epidemiologu Taulant Muka, shprehu sot zhgënjim ndaj ekipit të ekspertëve, teksa foli për situatën shëndetësore në vend.

Muka tha se vendimi i djeshëm për mbylljen e bareve dhe lokaleve të natës është i mirë, por theksoi se duhet plotësuar me mbështetje ekonomike.

?Jemi përballë një ekipi që vazhdon të na zhgënjejë. Sot po e shikojmë veten të izoluar nga bota mbarë, duke u përkthyer jo vetëm në dëm shëndetësor, por edhe ekonomik. Duhet të mendojmë se shtatori nuk është larg. Nuk mund të izolojmë më fëmijët. Mbyllja e klubeve dhe bareve besoj se është një vendim pozitiv për shkak të situatës kritike, por kjo duhet plotësuar me mbështetje ekonomike. Nuk mundet që pasojat t?i vuajnë qytetarët?, u shpreh ai në Fax Neës.

Sipas tij, në menaxhimi i pandemisë në vendin tonë po shkon shumë keq, pasi pretendon se duket sikur jemi një shekull mbrapa.

?Në Shqipëri e shikon që situata po menaxhohet sikur jemi një shekull mbrapa, nuk mban njeri përgjegjësi për atë që bëhet. Deri para dy ditësh lejoheshin grumbullimit nga qeveria, dhe sot kur proteston quhet e jashtë ligjshme. Nuk mund të vazhdosh që të mbash të njëjtët njerëz që të këshilluan, duket thënë se në verë do ta harrojmë virusin?, deklaroi Muka./ CNA.al





Lajmet e fundit nga