web counter
LEXO PA REKLAMA!

SHKARKO APP

App Store
Google Play

“Situata ka dalë nga kontrolli”/ Erion Dasho tregon ku gaboi qeveria

20 Korrik 2020, 07:26, Lifestyle CNA

Eksperti i Shëndetit Publik, Erion Dasho, tha se situata nga Covid-19 ka dalë jashtë kontrollit, ndonëse pretendon se vendi nuk ka shkuar në kolaps.

Për këtë Dasho fajësoi autoritetet, pasi thotë se e bënë hapjen pa një strategji dhe pa masat e duhura.

?Unë nuk mendoj se ka kolaps, por jemi në një situatë të dalë nga kontrolli. Vazhdon prej dy muajsh me hapjen që u bë pa strategji. Shqipëria u hap pa një strategji, pa një gradualitet dhe u hap pa masa. Jemi në situatën ku nuk kontrollon më ministria situatën, por virusi. Jemi dëshmitarë të kësaj situate dhe masat i shohim inekzistence. Numrat nuk janë shqetësuese akoma se kemi kapacitet, por kur nuk ke kontroll mbi situatën mund të precipitojë. Unë nuk dua të ngjall panik?, u shpreh ai në Abc Neës.

Eksperti i Shëndetit Publik këshillloi që të ketë më shumë partneritet mes mjekut të familjes dhe qytetarëve, e për më tepër personave të infektuar që janë izoluar në banesë.

?Këshillat e mia janë të bazuara te partneriteti i qytetarit dhe mjekut të familjes. Unë kam thënë mjeku i familjes përcakton trajtimin. Tjetër janë shenjat e alertit. Çdo përkeqësim i gjendjes është shenjë alerti dhe duhet njoftuar mjeku: marrja e frymës, dhimbja e gjoksit, rënie e nivelit të oksigjenimit dhe gjendja e konfuzionit. Këto katër shenja janë universale dhe duhet të ketë kujdes çdo person që menaxhon një person të infektuar në kushtet e shtëpisë?, nënvizoi Dasho./ CNA.al





Lajmet e fundit nga