web counter
LEXO PA REKLAMA!

SHKARKO APP

App Store
Google Play

Kategoria e Parë dhe e Dytë/ Ja 12 sfidat interesante që do të zhvillohen sot

12 Korrik 2020, 09:44, Sport CNA

Ditën e djeshme u mbyll java e 33 e Kategorisë Superiore, ndërkohë që stafetën e marrin e Para dhe e Dyta. Në të Parën sot luhet vetëm në Grupin B, ?Play-Out?. Luhen të gjitha ndeshjet e kësaj faze, ku ndeshja më interesant është dueli mes Elbasanit dhe Ilirisë. Në rast fitoreve të verdhebluve do shohim ngjitjen e tyre në vendin e dytë. Të tre ndeshjet luhen në 17:30.

Në të Dytën luhet thuajse e gjithë java. Në Grupin A luhen plot pesë sfida, ku kryesuesit e Vorës luajnë ndaj Adës së vendit të tetë. Në Grupin B luhen po pesë sfida. Tomori i vendit të parë luan në transfertë ndaj Tepelenës, që ndodhet në vendin e dhjetë. Ndeshje relativisht e lehtë për kryesuesit, që sot mund të eliminojnë një rival për vendin e parë.

Albpetroli dhe Maliqi ndeshjen me njëra-tjetrën për vendin e dytë dhe ndjekjen e Tomorit. Dy skuadrat janë në kuotë të barabartë pikësh (55), tre më pak se vendi i parë. Kjo është edhe ndeshja më e fortë e ditës, që pritet të fitojë edhe vëmendjen më të madhe. Ashtu si sfidat e të Parës, edhe ndeshjet e sotme të Kategorisë së Dytë do të luhen të gjitha në 17:30.





Lajmet e fundit nga