E fundit!

10:08 Kronika

Tentoi të vriste nënën e bashkëjetueses/ Vihet në pranga 28-vjeçari

Specialistët për Hetimin e Krimeve ndaj Personit në DVP Le...

"Maskarenjtë donin rezultat 4+", rrëfimi special i Halilit për ndeshjen ndaj Bylisit

7 Korrik 2020, 09:14, Sport CNA

Vazhdon ende çështja e ndeshjes së javës së shkuar mes Tiranës dhe Bylisit, të fituar me përmbysje nga ballshiotët. Në lidhje me këtë ka dhënë prononcimin e radhës presidenti Refik Halili në ?Procesi Sportiv?.

?Mua më vjen shumë keq për ekipin dhe për veten time sepse kemi bërë një kampionat model në kaq vite sa kam unë përsa i përket ndeshjeve të futbollit. Dëgjova dhe javën e shkuar edhe Gëzimin dhe i them që mllefet që ka për Federatën të mos i lidhë me Tiranën. Nuk dua t?i shmangem asaj ndeshje, por doja të thoja se dyshime për ndeshjen e Korçës vetëm nga goja e Gëzimit i kam dëgjuar. Dua të them vetëm se klubi i Tiranës nuk ka asnjë lidhje me këtë çështje.

Ndeshjen e Ballshit nuk kemi luajtur me formacionin e parë, kemi luajtur pa tetë lojtarë. Nuk më ka pëlqyer loja në pjesën e dytë. Federata ka ndërhyrë se duhet të shikojë punën e koefiçientëve. Unë kam miqtë e mi dhe më kanë njoftuar duke më thënë se ndeshja shkon ?4+?. Pse zoti Artan Hoxha nuk merret me këtë. Njerëzit kanë humbur para për shkak se ndeshja nuk ka shkuar ?4+? dhe falë Zotit dhe portierit Lika. Këtë ta çojë deri në fund Hoxha, që zgjidh edhe çështje më të mëdha. FSHF bëri mirë që u fut menjëherë në lojë për të ndihmuar për të mos ndodhur këto gjëra.

Më vjen keq që kjo ndeshje ka qenë e përfshirë në këtë punë dhe ju them se nuk është arritur qëllimi i maskarenjve. Ju e keni parë edhe sot ekipin, që me vetëm dy mungesa ekipi çaloi. Si ka mundësi që unë jam fotografuar duke ulëritur në stadium që nuk ka ndodhur që nga 2004 me gjeste çnjerëzore. Si ka mundësi që nuk e ka evidentuar një gazetar këtë. Mund të kontrolloni tabulatet e mia dhe kamerat. Kontrolloni kush ka hyrë e kush ka dalë nga stadiumi.

Ekipi ka reflektuar me ndërhyrjet që unë kam bërë. Njerëzit duan të bëjnë pis futbolin shqiptar. Pas kësaj kam takuar zyrtarët dhe i kam thënë të vazhdojmë të zgjidhim këtë çështje. Më vjen keq që u përfshimë në këtë gjë. Jam i bindur se skuadra jonë nuk ka për të patur asnjë dënim për këtë çështje. Unë të jap ndeshjen e Kukësit fazën e shkuar. Në minutat e fundit bëmë dy gola. E la ndeshjen Kukësi?, u shpreh mes të tjerash Halili.