web counter
LEXO PA REKLAMA!

SHKARKO APP

App Store
Google Play

E fundit!

x

Dënim i trefishtë, ndëshkim i rëndë për mbrojtësin e Kombëtares në Spanjë

7 Korrik 2020, 15:57, Sport CNA

Kartoni i kuq i marrë në fundjavë i ka kushtuar shumë shtrenjtë mbrojtësit të përfaqësueses shqiptare, Ivan Balliu. Lojtari u largua nga fusha e lojës me të kuq në minutën e 90 të sfidës së Almerias ndaj Tenerifes dhe ekipi i tij pësoi golin e përmbysjes 2-1 pak minuta më vonë në shtesë.

Sikur të mos mjaftonte kjo, komisionet disiplinore në Federatën Spanjolle kanë gjykuar se faulli i tij duhej ndëshkuar rëndë. Sipas relacionit të gjyqtarit, Balliu kishte goditur në thembër kundërshtarin me forcë, pa luftuar për topin. Gjatë ndeshjes gjyqtari fillimisht i tregoi të verdhin, por pasi pa VAR, nxori të kuqin ndaj futbollistit shqiptar të lindur në Katalonjë.

Për Balliun, nuk do të jetë një ndeshje pezullim por dy për shkak të këtij faulli që është cilësuar si antisportiv i gradës së dytë. Një goditje shumë e rëndë për futbollistin që do të humbasë dy sfidat e radhës ndaj rivalëve direkt në klasifikim, Zhirona dhe Rajo Vajekano, për t?u kthyer vetëm për dy javët e fundit të sezonit të regullt në radhët e Almerias.





Lajmet e fundit nga