web counter
LEXO PA REKLAMA!

SHKARKO APP

App Store
Google Play

Studimi nga Spanja me 61 mijë kampionë/ Imuniteti i tufës nuk mund të arrihet

6 Korrik 2020, 18:39, Lifestyle CNA

Një studim i kryer në Spanjë dhe i botuar në revistën shkencore “The Lance”,  del me referenca pesimizmi, sa i përket asaj që quhet imunitet i tufës dhe rrjedhimisht do të zbehte transmetueshmërinë e popullatës me Covid-19. Sipas botimit, i cili është përcjellë edhe nga CNN, shkencëtarët kanë zbuluar se në 61 mijë persona  testuar, vetëm 5% e tyre kanë krijuar antitrupa (mbrojtje kundër koronavirusit të ri).

Revista mjekësore e njohur ?The Lance?, që ka publikuar studimin, thekson se kjo përforcon provat që i ashtuquajturi imunitet i tufës është diçka e paarritshme për koronavirusin e ri.

Rezultati tregon se 95% e popullatës së Spanjës mbetet e prekshme nga virusi. Zakonisht, imuniteti i masës, arrihet vetëm kur pjesa më e madhe e popullatës është infektuar nga një virus ose të jetë vaksinuar kundër tij, në mënyrë që të ndalohet qarkullimi.

Kërkuesit spanjollë morën kampionë nga 61 mijë pjesëmarrës në eksperiment, duke e bërë atë studimin më të madh për Covid-19 të organizuar nga shtetet Europiane.

Ka pasur kërkime të tilla në Kinë dhe Shtetet e Bashkuara të Amerikës, në të cilat rezultoi se shumica e popullatës kishte qëndruar e paekspozuar ndaj virusit edhe në zonat ku përhapja dhe qarkullimi i tij ishte në nivele tepër të larta.

Ndërkohë, ekspertët janë të pasigurt nëse krijimi i antitrupave do të thotë se dikush nuk mund të ri-infektohet sërish, pasi nuk dihet se për sa kohë mund ta mbrojnë njeriun nga virusi.  /CNA.al/

 





Lajmet e fundit nga