web counter
LEXO PA REKLAMA!

SHKARKO APP

App Store
Google Play

“Të shtruar në Infektiv edhe të rinj me simptoma të rënda”/ Apeli i fortë i Manastirliut

4 Korrik 2020, 07:56, Lifestyle CNA

Javët e fundit, në vendin tonë, shifrat e të infektuarve me COVID-19 janë rritur ndjeshëm.

Në spitalin Infektiv pacientët e infektuar po shtohen dita-ditës, ndërsa ka patur edhe disa viktima, mes tyre mjeku i Hematologjisë Arjan Pushi.

Ndërkohë, sot Ministrja e Shëndetësisë Ogerta Manastirliu me anë të një video të publikuar në rrjetet sociale ka bërë apel që të respektohen masat e distancimit social dhe të përdoret maska.

Ajo e ka vënë theksin tek të rinjtë, të cilët kanë kontakte të shpeshta me njëri-tjetrin pa i respektuar rregullat.
Manastirliu thekson se shumë të rinj janë të shtruar në spitalin Infektiv dhe po përballen me simptoma të rënda të COVID-19.

“Sot në spitalin infektiv mes qytetarëve të shtruar, ka të rinj që po trajtohen për simptoma të rënda të shkaktuara si pasojë e COVID19, sepse virusi nuk bën dallim moshe. Sot, ka shumë të rinj që me kontaktet e shpeshta me njëri-tjetrin, pa i respektuar rregullat, rrisin mundësinë e përhapjes së infeksionit dhe e përcjellin atë tek prindërit, gjyshërit, duke i vënë ata në rrezik serioz!
Vetëm me kontributin e të rinjve, për të marrë përgjegjësi individuale në këtë kohë të pazakontë, përhapja e coronavirusit të rrezikshëm mund të frenohet”, shkruan Manastirliu./CNA.al





Lajmet e fundit nga