Kthimi i “grupit kritik” në PD/ Kulluri tregon se si mund të bashkohet kjo parti para zgjedhjeve

3 Korrik 2020, 13:57, Politikë CNA

Në një prononcim për CNA.al, ish anëtari i Këshillit Kombëtar të PD-së, Edvin Kulluri ka komentuar edhe deklaratat e demokratëve për një hapje të mundshme të PD dhe rikthimin e figurave të vjetra të kësaj partie.

Kulluri thotë se këtu nuk ka një ftesë për bashkim sepse ftesa për bashkim vjen përmes debatit, përmes ballafaqimit, përmes forumeve të cilat, sipas tij, sot janë të mbyllura dhe në funksion të kryetarit të partisë dhe me njerëz që përfaqësojnë një klientelë të kryetarit të PD.

?Në këtë kuptim mendoj se afrimi i një apo 2 individëve, siç ndodhi me ish drejtuesit e FRD, të Bamir Topit para dy vitesh nuk solli asnjë rezulatat. Jam i bindur që edhe afrimi i një apo dy individëve sot pa pasur të qartë se për çfarë po bashkohemi, cili është qendrimi, cilat janë procedurat , cilat janë rregullat, cili do jetë produkti politik i këtij bashkimi nga pikpamja ideologjike, sepse ne duhet të kemi të qartë që ne kemi qendrime të qarta për mënyrën sesi duhet të qeveriset ky vend, për mënyrën si duhet të paraqitet PD, para votuesve. Këtu nuk është çështja, siç është banalizuar nga propaganda e dobët e Bashës se ka njerëz që nuk bashkëpunojnë me Bashën për arsye personale?, shprehet Kulluri.

Sipas tij, zoti Basha, rregullat e lojës prap i ka vendosur vetë, procedurat i ka vendosur vetë.

?Nuk i ka marrë mendim askujt nga ata që ai tashmë quan rëndom ?grupi kritik? i PD, që do të thotë që mjafon një ndeshje futbolli duke pasur ekipin e tij, arbitrat dhe një pjesë të tifozëve. Unë personalisht ja kam bërë të qartë dhe në kanale private se e vetmja mënyrë sesi mund të bashkohet PD para zgjedhjeve, është se duhet të ketë një kontratë të qartë politike statutore për mënyrën se si do të funksionojë partia dhe jo siç e kemi thënë më lart që vlejnë vetëm për gjysmën e kandidatëve për deputet dhe jo për gjysmën tjetër. Të ketë një program të qartë indologjik, jo propagandistik në lidhje me disa çështje të lëna pezull nga PD në 30 vite.
Dhe së treti, PD duhet të jetë e qartë se me çfarë sistemi elektoral do futet në zgjedhje.
Tentativa e Edi Ramës dhe disa deputetëve të opozitës parlamentare për të hequr mundësinë e koalicioneve parazgjedhore nën miratimin në heshtje nga zoti Basha, është thikë e madhe mbas shpine ndaj PD, dhe ne e dimë shumë mirë se e djtahta ka ardhur në pushtet vetëm kur ka pasur koalicione të gjera, të shëndetshme sepse vete elektorati i djathtë është i fragmentarizuar në shumë rryma të brendshme, ndryshe nga PS që sot ka grabëlluar të gjithë elektoratin e partive të vogla të majta nën siglën e PS. Të gjitha këto që thashë nuk krijojnë mundësi dhe kushte për një fitore të së djathtës, për një bashkim serioz politk të bazuar mbi norma e kritere të qarta?, u shpreh Kulluri./CNA.al