Do hapet-s'do hapet / Si po flet me vete Republika e Re

1 Korrik 2020, 17:57, Politikë CNA

Në facebook po vijojnë statuset e zyrtarëve të PD dhe rrogtarëve të Kunatit, në lidhje me temën që duket sikur ka lidhje me hapjen e PD-së.

Lojën “hapet-nuk hapet-për kë hapet nëse hapet-si do hapet kur të hapet-pse do hapet kur ka qënë gjithmon e hapur” e të tjera si këto, e hapi Edi Paloka.

Pas tij vijuan rrogtarët e kunatit.

Sot e kish ndjerë si temë të vetën edhe Mondi Spaho. Mondi si djalë i ri që është, edhe ai kish lëshuar ca fjali mondshe në facebook.

Llafoste për të vjetrit Mondi! Dhe se ku e hidhte llafin për ca të vjetër që paskan ikur dhe nuk kanë bërë si Mondi që ka ndenjur.

Profesor Mondi që sa ndenji në kuvend nuk ju drodh asnjë muskul sa herë Rama e tallte faqe 139 deputetëve, papritur na qenkesh irrituar nga një temë që deri tani e ka hapur dhe diskutuar vetëm Paloka dhe ca çuna-goca që i paguan Kunati.

Po mir mo, po pse nuk i shkruajnë njëri-tjetrit në llogari private këta?

Kujt po i përgjigjen xhanem!?

Se deri tani asnjë nuk ka parë apo dëgjuar ndonjë nga “të ikurit” që të flasë për temën! As për dyer e as për dritare të PD, që mund të hapen apo të mbyllen.

Të gjithë këta që flasin për temën, nuk janë tipa e konsiderojnë veten “të ikur”. Pra këta që flasin për temën e shohin veten në PD!

E arsyetuar kështu, ata janë pjesë e të njejtit organizëm politik. Dhe si pjesë e të njejtit organizëm politik, konsiderohen se shprehin qëndrimin e atij organizmi!

Nuk arsyetojmë dot që po shprehin qëndrime të ndryshme, apo që po debatojnë me njëri- tjetrin se të gjithë po thonë të njejtën gjë.

Që të kundërshtojnë organizmin politik, as që bëhet fjalë, se ato janë llafe turpe, ashtu bëjnë vetëm “të ikurit”.

Po me kë flasin s’po e kuptojmë?

Të ketë katandisur PD që të ketë filluar e flet me vete???

Bile edhe më keq akoma.

Se jo vetem qe flet me vete, por edhe i pergjigjet vetes herë pas here!

Dhe kjo është edhe më e rëndë!

Mos na i ndodh PD-se si te ajo barcaleta që tregojnë!

“Takon shokun njëri:

-jam shumë i shqetësuar- i thotë- kam ca ditë që e kap veten duke fol me vete.

– mos u shqetëso- i përgjigjet miku- sa kohë vetëm flet me vete s?ka problem. Por po e kape veten duke ju pergjigj vetes, atëherë e ke keq punën.”/CNA.al