web counter
LEXO PA REKLAMA!

SHKARKO APP

App Store
Google Play

“Jemi në situatë të pafalshme”/ Dasho i ashpër ndaj Komitetit Teknik: Duhet t’i kërkojë falje publike

30 Qershor 2020, 11:14, Lifestyle CNA

Mjeku Erion Dasho ka folur për shifrat e larta të rasteve dhe rritjen e personave që humbin jetën nga COVID-19.

Mjeku u shpreh se testimet janë shumë të rëndësishme.

?Testo, gjurmo, trajto këto janë baza për koronavirusin. Gjithçka fillon te testimi?, u shpreh Dasho në studion e Abc News.

Dasho u shpreh se situata e koronavirusit duhet të menaxhohet nga profesionistët, ndërsa nuk kurseu kritikat ndaj Komitetit Teknik të Ekspertëve për menaxhimin e COVID-19 në Shqipëri, duke e cilësuar të paaftë për të vazhduar me menaxhimin e situatës.

?Jemi në situatë të pafalshme. Të lësh rajonin e Durrësit pa drejtimin e shëndetit publik, është e pakuptimtë. Transmetimi komunitar quhet ai kur jemi në mjedis. Luan një rol shumë të vogël në raport me transmetimet e tjera. Transmetimi në institucione shëndetësore, në familje, në biznese, këto janë vende ku kemi më shumë transmetime.
Ne rendim pas publikut. Mundësinë për të edukuar publikun e kishim në kohën e karantinës dhe kjo nuk u bë. Të bëjmë spitalet vende të sigurta. Bizneset, fasonet, bankat t?i bëjmë vende të sigurta. Duhet urgjentisht një strategji për institucionet shëndetësore, administratat, bizneset dhe më pas të mendojmë një strategji për familjen?, tha Dasho.

Dasho gjithashtu u shpreh se grupet e rrezikuara duhet të ishin të parët të cilët duhet të mbroheshin nga koronavirusi.
Sipas tij duhet të ishin marrë masa për të mbrojtur të moshuarit, të sëmurët që infektohen në spitale, mjekët apo edhe infermierët.

?I gjithë Komiteti duhet t?i kërkojë falje publike që e kanë sjellë situatë këtu sot. Nuk mund të thotë dikush që situata është mirë. Duhet të mbroheshin mjekët dhe të moshuarit. Që në mars kam thënë që kemi tre grupe të rrezikuar, të sëmurë që infektohen në spitale, mjekë, infermierë, janë situata që nuk duhet të kishim ardhur në këtë pikë. Kemi pasur paaftësi?, tha Dasho./CNA.al

 





Lajmet e fundit nga