Lulzim Basha show me hapjen e partisë/ Kokat që do “presë” dhe cilët kërkon të shpëtojë

26 Qershor 2020, 13:05, Politikë CNA

Ditët e fundit në media kanë qarkulluar lajme të porositura nga zyra e propagandës së Republikës së re, ku pretendohet se Lulzim Basha po synon hapjen e partisë, e të tjera si këto, që në fakt duket se janë vetëm show, sa për t’iu hedhur hi syve demokratëve.

Ndërkohë një ditë më parë, në media qarkulloi një tjetër lajm. Në mbledhjen e djeshme të kryesisë së PD-së, është vendosur edhe mënyra sesi do të zgjidhen kandidatët për deputetë.

Ndër të tjera thuhet se rolin kryesor do ta ketë kryesia, e cila do të bëjë edhe përzgjedhjen e kandidatëve.

Por, nëse do të shikonim me vëmendje formularin të cilin duhet të plotësojnë kandidatët që pretendohet të jenë në listat për deputetë të Republikës së re, pyetjet janë nga më qesharaket. Në formular gjen edhe pyetje të tilla si ?A jeni përdorues alkooli?.

Në fakt formulari duket të jetë një tjetër turp i Lulzim Bashës, por jo vetëm kaq. Mesa duket ?dardha e ka bishtin prapa?.

Në pikën 7 të udhëzimit për kandidatët thuhet se ?Procesit të propozimit, konsultimit dhe përzgjedhjes së kandidaturave nuk i nënshtrohen Kryetari i Partisë, Sekretari i Përgjithshëm, Nënkryetarët e Partisë, Kryetari i Këshillit Kombëtar dhe Kryeministrat gjatë qeverisjes së Partisë Demokratike.?.

Pra në këtë mënyrë ai shpëton veten e tij, Gazmend Bardhin, Edi Palokën, Edmond Spahon, dhe po ashtu edhe Bujar Nishanin, për të cilën ?shpiku? një detyrë pak kohë më parë, duke e vënë kryetar të Këshillit Kombëtar.

Por, nga ana tjetër, mund të ?presë kokat? e treçerekut të deputetëve që Basha ka pasur në parlament, dhe që u dogji mandatet, duke filluar që nga aleatët e tij, si Dashamir Shehi.

Shumë nga ata të rinjtë që duan të jenë sërish në listat e kandidatëve për deputetë, në fakt i bie që nuk e përmbushin ?kriterin? e Lulit, pasi treçereku i tyre pinë.

Ajo listë ka disa kërkesa që po tia japë Gaz Bardhit, nuk e dimë nëse e mbush dot se as e dashura e tij nuk e voton, që në fakt as nuk e dimë nëse ka.

Ai formular është një turp dhe fyes për këdo që do të hedhë firmën aty./ CNA.al