web counter
LEXO PA REKLAMA!

SHKARKO APP

App Store
Google Play

E fundit!

x

“Zënka po degradonte në një luftë burrash të vegjël”/ Rama tregon si debatoi me Thaçin për Berishën

25 Qershor 2020, 20:46, Politikë CNA

Kryeministri Edi Rama tregoi një debat që kishte pasur me presidentin e Kosovës Hashim Thaçin dhe për këtë ishte bërë shkak ish-kryeministri Sali Berisha.

Rama tha se Thaçi kishte bërë një reagim për Berishën, pasi ky i fundit kishte bërë akuza ndaj tij  dhe kreut të qeverisë nuk i kishte pëlqyer.

Kryeministri rrëfeu në emisionin “Rubicon” se presidentit të Kosovës i kishte thënë se debati i tyre po degradon në një luftë burrash të vegjël që zihen se kush është tradhtari.

?Nuk jam nga ata që tregoj bisedat apo mesazhet, por kam pasur një debat me Hashim Thaçin se nuk ia kam miratuar reagimin ndaj Sali Berishës në një moment kur Saliu si Saliu, por sidoqoftë nuk ia kam miratuar. Qe një reagim emocional, një reagim i parë në kohën kur kishte filluar ky debati me Vuçiçin dhe çfarë i kam thënë. Ka një problem që rrezikon të bëhet edhe më i madh në pikëpamje të perceptimit që po kthehet në një nivel ndasie dhe që po degradon në një luftë burrash të vegjël që zihen kush e ka fajin dhe kush është tradhtari, e kush është patrioti. Dhe i thashë se në këtë temë sigurisht ti je legjitim dhe unë besoj shumë që paqen e bëjnë luftëtarët. I kam kërkuar të shkojë te Sali Berisha dhe të ekspozojë idenë dhe ta dëgjojë që të gjithë të mbahen të informuar në linja të përgjithshme?, deklaroi Rama./ CNA.al





Lajmet e fundit nga