web counter
LEXO PA REKLAMA!

SHKARKO APP

App Store
Google Play

“Basha në anën e gabuar të historisë”/ Patozi i “vë vizën” kryedemokratit

25 Qershor 2020, 16:28, Politikë CNA

Kreu i Bindjes Demokratike Astrit Patozi, ishte i ftuar pasditen e sotme në një intervistë në Report tv ku ka folur për situatën politike dhe marrëveshjen e arritur në Këshillin Politik për zgjedhoren.

Teksa u pyet nëse do i përgjigjej pozitivisht një ftese të Bashës për t’u rikthyer në PD, Patozi u përgjigj i prerë që jo, duke shtuar se Basha sot është në anën e gabuar të historisë.

“PD kërkoi revolucion dje dhe sot ruajti status quon me marrëveshjen dhe zoti i ndihmoftë,  ndërsa ne sot duam të ndryshojmë Shqipërinë, ky është ndryshimi mes dy partive. Mua nuk më takon të flas për PD dhe kontributi im le të vlerësohet nga historia, unë nuk i përkas më asaj.

Nuk e dëshiroj një ftesë nga Basha, por ajo që dua që me të dhe këdo tjetër është të ulemi e të diskutojmë për çështje parimesh. Sot Basha është në anën e gabuar të historisë sepse po kërkon së bashku me Ramën të mbajë me thonj këtë statuskuot politike.

Me PD më ndan një oqean i madh, nuk e injoroj por nuk puqemi më. Luftën dhe betejën politike ne e kemi parimore, nuk e kemi te pushteti”, tha Patozi./CNA.al





Lajmet e fundit nga