web counter
LEXO PA REKLAMA!

SHKARKO APP

App Store
Google Play

“Në protetat e maturantëve ishin studentët e universitetit”/ Shahini: Debati i provimit stërpolitizim

14 Qershor 2020, 14:01, Sociale CNA

Ministrja e Arsimit, Besa Shahini, ka reaguar për protestat e maturantëve për provimin e Gjuhë-Letërsisë.

Shahini pretendon se debati për provimet është një stërpolitizim i skajshëm dhe i tmerrshëm që shpërqendroi nxënësit nga puna që duhet ta bëjnë për t?u përgatitur për provimet e radhës dhe keqinformoi në debatin kombëtar për arsimin.

Sipas saj, Qendra e Shërbimeve Arsimore (QSHA) dhe Komiteti i Maturës Shtetërore (KOMSH) kanë adresuar të gjitha shqetësimet që janë ngritur nga nxënës dhe mësues për mënyrën se si është zhvilluar Matura Shtetërore këtë javë dhe për dy provimet që do të zhvillohen javën tjetër.

?Një debat tjetër që unë besoj duhet të ndodhë, është i domosdoshëm, jo nga politikanët por ekspertët e fushës, është debati për mënyrën se si po zhvillohet gjuha shqipe, se si po zgjerohet ajo, se si po zhvillohet letërsia shqipe, dhe se si po u mësohet gjuha dhe letërsia shqipe nxënësve në shkollat tona. Ky është një debat që duhet të ndodhë nga njerëz që e njohin gjuhën shqipe, kanë studiuar letërsinë, por e njohin edhe shkollën, e njohin edhe universitetin. Pra, janë njerëz të fushës që dinë ta adresojnë këtë çështje në një mënyrë produktive, që mund ta përkthejmë pastaj në politika arsimore?, tha Shahini.

?Me sa pashë të premten para Ministrisë, kishte studentë të vitit të fundit në universitet, pjesë e strukturave të partive opozitare, të cilët e kanë bërë Maturën Shtetërore para 7-8 viteve, shumë para se të futej në funksion kurrikula e re. Kam parë gjithashtu dje që para Ministrisë kishte dalë një burrë, i cili kishte sharë e ofenduar duke përdorur fjalët më të këqija të mundshme. Unë jam e bindur që maturantët tanë nuk identifikohen me këta persona?, nënvizoi më tej ministrja./ CNA.al





Lajmet e fundit nga