web counter
LEXO PA REKLAMA!

SHKARKO APP

App Store
Google Play

E fundit!

x

Meta del krah maturantëve/ “Të shqyrtohen kërkesat, provimi s’duhet të shërbejë si ndëshkim”

13 Qershor 2020, 18:10, Politikë CNA

Presidenti Ilir Meta ka reaguar pas protestave të maturantëve, të cilët ngrenë akuzat se provimi i letërsisë ishte shumë i vështirë.

Meta thotë se po e ndjek me shqetësim protestën e maturantëve dhe kërkesat e tyre ndaj autoriteteve përgjegjëse, si dhe i bën thirrje Komitetit të marrë në shqyrtim shqetësimet e ngritura.

Kreu i Shtetit deklaron se provimi i Maturës Shtetërore duhet të shërbejë si një vlerësim i drejtë i dijeve të tyre në kohë të vështira dhe jo si ndëshkim.

?I bëj thirrje Komitetit të Maturës Shtetërore që në përmbushje të detyrimit ligjor dhe përballë kërkesave të studentëve, në transparencë të plotë, të marrë sa më parë në shqyrtim të gjitha shqetësimet e tyre dhe t?u përgjigjet me përgjegjësi të plotë. Edhe zëri i vetëm i një maturanti duhet dëgjuar, vlerësuar dhe sqaruar për paqartësitë dhe vështirësitë që ka hasur në këtë kohë pandemie.

Viti që kaloi ka qenë shumë i vështirë për të gjithë sistemin arsimor, por në mënyrë të veçantë për maturantët tanë. Provimi i Maturës Shtetërore të shërbejë si një vlerësim i drejtë i dijeve të tyre në kohë të vështira, dhe jo si një ndëshkim ndaj pamundësisë objektive të studentëve dhe kufizimeve të pamerituara për arritjen e rezultateve të kërkuara!?, shkruan Presidenti në rrjetet sociale./ CNA.al





Lajmet e fundit nga