web counter
LEXO PA REKLAMA!

SHKARKO APP

App Store
Google Play

E fundit!

x

Protesta e maturantëve/ Shehu: Hiqni dorë nga modelet arsimore sovjetike

13 Qershor 2020, 16:35, Politikë CNA

Ish-deputeti i Partisë Demokratike, Sherefedin Shehu, ka reaguar lidhur me protestën e zhvilluar nga maturantët për tezat e provimit të letërsisë.

Shehu thotë se Ministria e Arsimit, që ai e quan të ç?edukimit, jua ka bërë maturantët provimet ferr. Ai kërkon që të mos i prishet e ardhmja të rinjve dhe ata të lihen të lirë, si dhe që ministria të mos ndjekë modelet arsimore dhe mentalitetin sovjetik.

Demokrati deklaron se duhet dëgjuar shqetësimi i maturantëve dhe nuk duhet pasur frikë nga ta, pasi thekson se ata janë të çiltër dhe nuk e pranojnë padrejtësinë.

?Sot pashë protestën e Maturantëve që provimet e maturës jua kanë shndërruar në ferr. U mahnita nga qartësia dhe artikulimi i problemeve që ata bënë para Minsitrisë së (Ç)Edukimit. Largoni policinë dhe mos ua prishni të ardhmen këtyre të rinjve të mrekullueshëm që janë kaq të zgjuar dhe të aftë që t?i dalin zot vetes. Në SHBA testi i maturës bëhet që në vitin e tretë sepse atje lejohet edhe maturimi (përfundimi i studimeve) i parakohshëm dhe maturantët nuk testohen për t?u kapur mat.

Testimi synon vlerësimin e aftësive për të ndjekur studimet universitare dhe universitetet bëjnë vetë edhe teste për nivelin në lëndë të veçanta të rëndësishme. Prandaj vështirësia e testit bazohet në njohuritë e vitit të tretë të arsimit të mesëm dhe konsideron se testi është edhe për nxënësin e shkëlqyer edhe për nxënësin e dobët. Shqipëria është orientuar nga perëndimi prandaj ndiqni modelet arsimore perëndimore dhe hiqni dorë nga modelet arsimore dhe mentaliteti sovjetik. Dëgjoni maturantët se ata kanë një shqetësim të drejtë. Mos keni frikë prej tyre sepse ata janë të çiltër dhe nuk e pranojnë padrejtësinë. Këta do ta çojnë Shqipërinë në Europë prandaj mos ua vrisni atyre shpresën Europiane?, shkruan Shehu në rrjetet sociale./ CNA.al





Lajmet e fundit nga