web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen detajet e atentatit te Komuna e Parisit/ Autorët dyshohen vrasës me pagesë, arma si e Gardës

12 Qershor 2020, 06:58, Kronika CNA

Të tjera detaje kanë dalë në dritë në lidhje me ekzekutimin e 40 vjecarit Hekuran Billa, mbrëmjen e djeshme te Komuna e Parisit.

Burime nga policia bëjnë të ditur se ka dyshime që vrasja është kryer me pagesë.

Të njëjtat burime theksojnë se autorët e kanë gjurmuar për të mësuar lëvizjet e 40-vjeçarit. E kanë pritur sa është ngritur nga lokali në zonë dhe ka lëvizur me mjet dhe e kanë qëlluar me breshëri.

Në vendngjarje jane sekuestruar rreth 30 gezhoja, ndërsa arma e përdorur në krim është e ngjashme me ato qe perdor Garda dhe eshte çuar ne laborator. Kjo armë nuk rezulton e regjistruar në Shqipëri.

Sa i takon makinës së përdorur rezulton të jetë vjedhur në Kukës ndërsa targat e automjetit të cilat i përkisnin një makine tip Renault janë vjedhur në Lezhë.

Hekuran Billa, i njohur ndryshe si Herland Bilali, është një emër i njohur për drejtësinë angleze. Ai u dënua me burgim të përjetshëm për vrasjen e Prel Markut, ngjarje e ndodhur në 2006. Ai u shpall fajtor për tre akuza, ?Vrasje? , ?Vrasje mbetur ne tentative” dy herë si dhe ?Plagosje me dashje”. Dy persona të tjerë u plagosën nga plumbat gjatë të shtënave. Pronari i klubit në Angli Musa Rrahmani u plagos edhe u hodh nga dritarja e katit të dytë për të shpëtuar. Billa nuk e ka kryer dënimin, në rrethana ende të paqarta ka ardhur në Shqipëri dhe ka hapur një biznes për dhënien me qira të makinave. Bëhet fjalë për një biznes të lokalizuar te “Qytet Studenti” i hapur në 27 janar të këtij viti./ CNA.al





Lajmet e fundit nga