web counter
LEXO PA REKLAMA!

SHKARKO APP

App Store
Google Play

“Lajm i keq”/ Jorida Tabaku rendit tre pasojat negative të Eurobondit

10 Qershor 2020, 11:52, Politikë CNA

Ish-nënkryetarja e Komisionit të Ekonomisë, Jorida Tabaku ka folur sot në lidhje me Eurobondin.

Në një intervistë për A2 CNN, Tabaku e cilësoi marrjen e një tjetër borxhi si një lajm të keq për Shqipërinë, ndërsa renditi edhe tre arsye se pse sipas saj është një lajm i keq.

?Është një lajm i keq sepse nuk dihet sesi do të shpenzohen. Në këto vite kemi parë vjedhje galopante.

Së dyti, me këtë rritje taksash nuk do ishte e nevojshme marrja e një tjetër borxhi.

Dhe së treti në çdo projekt që kanë bërë ose ka pasur korrupsion të jashtëzakonshëm ose projekte që nuk janë eficente dhe nuk kthehen në ekonomi.?-tha Tabaku.

Gjithashtu ish-deputetja demokrate theksoi se buxheti është i lodhur dhe të ardhurat po bien.

?Buxheti është i lodhur sepse jan rritur taksat, po bien të ardhurat dhe po rritet borxhi. Buxheti i shtetit ka një krizë të jashtëzakonshme konsumi, nuk e nxjerrin dot ekonominë nga ky qorrsokak që e kanë futur. Buxhetit i mungojnë 138 milion euro në katër muajt e fundit. Këto janë shifra alarmante, duhen rikuperuar dëmet e mbylljes.

Po kthehet në emergjencë kombëtare largimi i kësaj qeverie, sa më shpejt që dëmet të jenë të rikuperueshme. Shqipëria në punë, Shqipëria e të gjithëve, kjo është ajo që sot të gjithë kërkojnë?-theksoi Tabaku./ CNA.al





Lajmet e fundit nga