E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

Eurobondi/ Sherefedin Shehu thirrje Ramës: Mos u mburr edhe kur merr borxh!

10 Qershor 2020, 13:56, Politikë CNA

Ish deputeti i PD, Sherefedin Shehu ka reaguar pas daljes në media të kryeministirit Edi Rama i cili foli për Eurobondin.

Shehu i kërkon Ramës të mos mburret kur merr borxh, ndërsa thekson se është Eurobondi është borxh për të larë borxh dhe nuk mund të jetë financues i programit elektoral Shqipëria 2029.

Sipas Shehut, ?nëse edhe marrja e borxhit quhet sukses atëherë duhet të pranonte më parë se suksesi më i madh është huamarrja e Qeverisë shqiptare në Maj të vitit 2009 kur tregjet financiare ishin në kulmin e krizës financiare botërore të vitit 2008?.

?Z. Rama! Mos u Mburr edhe Kur Merr Borxh.
Eurobondi është borxh për të larë borxh dhe nuk mund të jetë financues i programit elektoral Shqipëria 2029. Para se te mburret per suksesin Z. Rama duhet të na thoshte se paratë e këtij borxhi do të shkojnë për shlyerjen e obligacionit në Euro që mori në 2015 dhe që skadon në 2020. Nëse edhe marrja e borxhit quhet sukses atëherë duhet të pranonte më parë se suksesi më i madh është huamarrja e Qeverisë shqiptare në Maj të vitit 2009 kur tregjet financiare ishin në kulmin e krizës financiare botërore të vitit 2008. Dhe duke pranuar këtë duhet të kërkojë ndjesë për sorollatjen që na bëri nëpër zyrat e prokurorisë me ndihmën e veglës së tij qorre dhe injorante Shkëlqim Cani.
I vetmi tregues pozitiv I këtij Eurobondi është norma më e ulët e interesit se sa ajo e kredisë së Fondit Monetar Ndërkombëtar (FMN). Por norma bazë e interesit të Euros është negative dhe në Shqipëri ka biznese që kanë marrë kredi nën 3 për qind. Edhe ky fakt përsëri e nxjerr zbuluar Qeverinë sepse FMN i jep Qeverisë notën që meriton ndërsa tregjet financiare interesohen vetëm për fitimin e tyre. Investitorët konkurojnë njëri tjetrin dhe i kanë ulur interesat e tyre sepse Eurobondi është investim i sigurtë. Ai është miratuar me ligj të posaçëm në Kuvend ku ka marrë garancinë sovrane që do të thotë se ai do të paguhet me përparësi qoftë edhe me paratë e individëve dhe të bizneseve shqiptare?, shkruan ish deputeti në njëpostim në rrjetet sociale./CNA.al