web counter
LEXO PA REKLAMA!

SHKARKO APP

App Store
Google Play

E fundit!

x

Eurobondi/ Rama publikon përgjigjen: Doni s'doni ju tregjet na vlerësuan

9 Qershor 2020, 16:50, Politikë CNA

Kryeministri Edi Rama dekaron se Shqipëria është vlerësuar nga tregjet e kapitaleve për Eurobondin.

Në një postim në rrjetet sociale, Rama thotë se përgjigja në shqip për Eurobondin është se kanë besim te Shqipëria dhe te libri i llogarive.

?Analistët e shifrave që nuk i kuptojnë dhe opozitarët e aritmetikës që nuk e zotërojnë, le ta shohin rezultatin e sapo arritur të Shqipërisë në tregjet e kapitaleve, ku përgjigja për Eurobondin në shqip përkthehet: Besojmë tek Shqipëria dhe tek libri i llogarive të saj!?, shkruan ai.

Kreu i qeverisë ka thumbuar analistët dhe opozitarët, ndërsa pretendon se Shqipëria do të dalë më e fortë si nga tërmeti edhe nga Covid-19.

?Meqë këta nuk dinë t’i gëzohen asnjë të mire të këtij vendi dhe meqë unë nuk i konsideroj shpulla për ta sukseset e Shqipërisë, u them se doni s’doni ju, edhe tregjet e thanë sot se ky vend që s’u thye nga tërmeti e s’u gjunjëzua nga Covidi, do dalë më i fortë nga të dyja.

Dhe natyrisht, kur një vend arrin këtë rezultat spektakolar në një kohë kaq të vështirë dhe megjithë vajtojcat që e qajnë dhe shajnë përditë, nuk ka se si të mos jesh krenar si kryetar i qeverisë, për librin e llogarive të shtetit që merr një vlerësim kaq spektakolar nga tregjet!

Ah po, se mos harroj, meqë është në modë krahasimi me vendet përreth, le t’i marrin e t’i krahasojnë tani përgjigjet e tregjeve për secilin prej vendeve,që së fundi kanë dalë për Eurobondin në kërkim të financimit të ekonomive postCovid!E di e di, të fundit dalil prapë, 7×7=42?, nënvizon kryeministri./ CNA.al





Lajmet e fundit nga