web counter
LEXO PA REKLAMA!

SHKARKO APP

App Store
Google Play

E fundit!

x

“Autoritetet të na marrin në konsideratë”/ Sizmiologu Koçi: Në Durrës s’duhet të ndërtohen objekte të larta

9 Qershor 2020, 16:34, Sociale CNA

?Në Durrës nuk duhet të ndërtohen objekte të larta?. Kështu deklaroi sot sizmiologu Rexhep Koçi duke iu referuar studimit të Institutit të Gjeofizikës dhe Sizmiologjisë në Selanik, në bashkëpunim me Institutin e Gjeoshkencës në Tiranë.

Koçi tha se ky rezultat është me interes për rindërtimin pas tërmetit, ndërsa theksoi se  autoritetet duhet ta marrin në konsideratë studimin.

?Kemi bërë një mikrozonim për qytetin e Durrësit, meqënëse është qyteti më i madh i prekur nga tërmeti i 26 Nëntorit, që është përfunduar dhe ka rezultuar që periodat e studiuara të truallit mbështesin idenë që në Durrës nuk duhet të ngrihen objekte të larta. Pothuajse një pjesë e mirë e Durrësit. Kjo shërben shumë për atë fushë që kemi përpara për rindërtimin e Durrësit, por nuk e dimë se sa autoritetet do e marrin në konsideratë?, u shpreh ai në Tv Klan.

Ndërkohë, për tërmetin që krijoi dje panik te qytetarët, sizmiologu pretendon se është pasgoditje e tërmetit të 26 nëntorit.

?Këto tërmete janë në zonën që ka qenë aktive që në 26 Nëntor, janë tërmete që janë në atë vazhdën e asaj periudhe që ne e kemi quajtur post-tërmeti, të cilat herë pas here kanë njëfarë rritje, fashiten, qëndrojnë, riaktivizohen?, theksoi Koçi./ CNA.al





Lajmet e fundit nga