E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Avokatia e neveritshme ndaj përdhunuesve

8 Qershor 2020, 11:14, Sociale CNA

Dy ditë më parë, opinion publik është tronditur nga historia i Adrianës, vajzës nga jetimorja, e cila rrëfeu në “Dua të të bëj të lumtur” se përgjatë gjithë fëmijërisë së saj ishte abuzuar seksualisht, duke nisur nga roja, mësuesit, kujdestarët e deri tek polici ku shkoi të denonconte.

Pas publikimit të këtij rasti pati reagime, shumë prej të cilëve vunë në pikëpyetje faktin nëse ky episod duhej të shfaqej.
Menjëherë moderatorja e emisionit, Arbana Osmani sqaroi se vajza, tashmë maxhorene, ka zgjedhur vetë të dalë më zë dhe figurë për t?i treguar publikut faktin se një viktimë e përdhunimit reagon.

Kjo është hera e parë kur një viktimë e përdhunimit ka zgjedhur që më zë dhe figurë të rrefejë historinë dhe për të treguar se çdokush mund të reagojë për padrejtësitë që i janë bërë.

Dikush mund ta gjykojë edhe si një të pavërtetë, historinë e vajzës në fjalë, por duhet marrë parasysh se nëse personi shpif apo gënjen përfundon në burg. Ajo ç?ka është më e rëndësishme, është fakti që kur një viktimë e përdhunimit tregon gishtin nga autorët, shoqëria duhet ta mbështesë, ta mbrojë dhe jo ta intimidojë.

Një psikologe periferike, e quajtur Antonjeta Pero, ka bërë paturpërsisht avokatinë ndaj përdhunuesit përmes disa postimeve të turpshme në rrjetet sociale duke u shprehur se fëmijët e jetimores kanë mllef sepse i ka braktisur prindi. Për më tepër, psikologia e quan përdhunimin “operacion pa narkozë”. Nuk e dimë se çfarë halli apo çfarë afeksioni ka kjo grua ndaj përdhunuesve, ne nuk dimë ta themi këtë, por fakti është që gjuha e përdorur, për një rast të tillë është një akt flagrant që fyen jo vetëm një viktimë, por një shoqëri të tërë.

Më i dhimbshëm është rasti kur ajo bëhet nga një njeri që pretendohet të jetë një profesionist në fushën e psikologjisë.
Në këtë rast, kjo grua aftësitë i ka përdorur për të bërë avokatinë ndaj përdhunuesit.

“I gjithë mllefi i fëmijëve të Shtëpisë së Fëmijëve është se: Pse prindërit i kanë lënë në institucion dhe vetë ata (prindërit) jetojnë me tjetërkënd. Por kjo, do kapacitet të kuptohet”, shkruan Pero.

“Kur në shkollë kemi diskutuar marrëdhëniet seksuale me të mitur, u kam sqaruar të gjithë fëmijëve se: Përdhunimi është operacion pa narkozë. Të përdhunohen fëmijë në institucion e të mos bëjnë zë për këtë veprim, kur nuk janë asnjë minutë vetëm, e ne të na kalojë ky fakt, sikur po ua zbukurojmë ngjarjen më të shëmtuar, që mundet të ndodhë në jetën e tyre. Jeni të kujdesshëm!”, shkruan psikologia në një tjetër postim.

Si mund të gjejnë mbështetje tek kjo psikologe fëmijët ndërkohë që ajo ka kaq mllef ndaj tyre?/CNA.al