web counter
LEXO PA REKLAMA!

SHKARKO APP

App Store
Google Play

E fundit!

x

Shoqata e transportit në protestë/ Nëse nuk plotësohen kërkesat, do të rrisim biletën

8 Qershor 2020, 07:26, Sociale CNA

Me 15 qershor pritet tw rinisw transporti publik, ndërkohë këtë të hënë në orën 10 shoqata e transportit ndërqytetasdo të zhvillojë një protestë para ministrisë së Infrastrukturës.

Përgjegjësi i transportin për zonën e veriut Dashnor Mema në një interviste për emisionin ?Abc-ja e Mëngjesit?, është shprehur se operatorët e transportit janë në gjendje të vështirë dhe kërkojnë një mbështetje nga qeveria.

?Transporti publik është i mbullur që nga 12 marsi, dhe humbja që ka pësuar është shumë e madhe. Kostot e mjeteve dhe mirëmbajtja e tyre ka vënë në vështirësi operatorët e transportit. Përveç planit që ka nxjerrë ministria që do të udhëtojnë me 70 % të kapacitetit dhe se pasagjerët duhet të jenë të pajisur me maska, akoma nuk ka asnjë informacion tjetër se si do të veprojnë. Që nga fillimi i bllokimit të transportit ne kemi kërkuar plotësimin e disa kërkesave, më të rëndësishme janë.
Heqjen e akcizës së naftës pasi është baza për ne dhe është mundësia reale për të na nxjerrë nga kriza që jemi.
Zbritja e pragut në shitje pasi siç e dimë transporti i udhëtarëve e ka në pragun 20 %, që vështirëson situatën e subjekteve dhe ne kemi kërkuar pragun 6 %?, është shprehur përfaqësuesi i transportit publik.

Ndër të tjera ai është shprehur se paga e luftës është ndihmesë por nuk është zgjidhje për punonjësit e transportit publik, ndërsa operatorët deri më tani nuk kanë asnjë ndihmesë deri më tani.

Ndërkohë përgjegjësi i transportit për zonën e jugut ka theksuar se nëse kërkesat e tyre nuk do të plotësohen atëherë operatorët do të rrisin çmimin e biletës.

?Sigurisht është gjëja e fundit që ne mendojmë për rritjen e biletës, por mos plotësimi i kërkesave tona do të sjellë dhe rritjen e biletës në masën 20-30 %, por është gjëja e fundit në mendjen e operatorëve pasi ne e dimë gjendjen në të cilën janë qytetarët, pasi shërbimi do të jetë i njëjtë?, është shprehur përgjegjësi i transportit publik për zonën e jugut./CNA.al





Lajmet e fundit nga