web counter
LEXO PA REKLAMA!

SHKARKO APP

App Store
Google Play

U përball me vettingun/ KPK merr vendimin për prokurorin e Gjykatës së Apelit në Durrës

8 Qershor 2020, 08:08, Vetingu CNA

Komisioni i Pavarur i Kualifikimit ka kofirmuar në detyrë prokurorin e Gjykatës së Apelit në Durrës dhe anëtarin e Këshillit të Emërimeve në Drejtësi Ludovik Dodaj.

Gjatë seancës që u zhvilluar në masa të shtuara për shkak të pandemisë së COVID-19, një trupë e drejtuar nga Suela Zhegu, me relatore Genta Tafa (Bungo) dhe anëtar Olsi Komici, bëri me dije se nga hetimi i thelluar Dodaj nuk kishte pasur probleme as në kriterin e figurës dhe as në atë të profesionalizmit, por sipas KPK u gjet me mungesë burimesh financiare vetëm për vitin 2008.

Relatorja tha se atij i mungonin në analizën financiare të këtij viti një shumë prej 358 mijë lekësh. Në fjalën e tij prokurori tha se ishin llogaritur gabim shpenzimet në vitin 2007 dhe argumentoi se nëse uleshin ato shpenzime llogaritë e tij familjare balancoheshin.
Komisioni vuri në dukje se ishte hetuar pasuria e prokurorit dhe ajo e dy fëmijëve, vajzës dhe djalit të tij. Sipas relatores Dodaj kishte deklaruar saktë veprimet e kryera për blerjen e një apartamenti në Durrës në vitin 2006.
Relatoja tha se apartamenti ishte mbuluar kryesisht me të ardhurat e marra nga shitja e një shtëpie në Shkodër, kursimet, një hua nga kunati dhe të ardhurat nga shitja e mobiljeve të shtëpisë në Shkodër në shumën 300 mijë lekë. Tafa tha se këto të fundit nuk ishin konsideruar të ardhura të ligjshme, por nga relatimi u duk se ato nuk kishin ndikuar në analizën financiare.

Në kriterin e profesionalizmit KPK vuri në dukje se ndaj prokurorit kishte katër denoncime, por tha se në to nuk kishin gjetje që mund të cënonin punën e tij që po ashtu u vlerësua pozitivisht./CNA.al





Lajmet e fundit nga