E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm Besfort Lamallari ka zbarkuar në Drej...

Ambasadoret duhet të kuptojnë se me kë dhe për çfarë po negociojnë

4 Qershor 2020, 11:10, Politikë CNA

Që në krye të herës, të gjithë përfshirë socialitët kanë sqaruar gjithmonë, se duhet depolitizimi i komisioneve zgjedhore, për të shkuar tek propozimi i dhënë nga OSBE/ODIHR dhe i zbardhur nga ekspertët. Gjatë gjithë orëve të megociatave, Luli Basha ka kërkuar që të ketë paritet përfaqësimi politik në organet e administrimit të proçesit zgjedhor, pra tre përfaqësues nga opozita dhe tre nga mazhoranca në komisionet zgjedhore dhe një komisioner të zgjidhej apolitik, pra i pavarur me short në KQZ. Praktikusht kjo do te thotë që gjithshka te ngelej aty ku ishte.

Aktualisht ne Kodin Zgjedhor, sistemi që kemi dhe mënyra e votimit, parasheh që gjysmat e komisionereve i ka opozita dhe gjysmat mazhoranca. Një prej tyre hidhet me short në KQZ, ku vendoset se në cilat zona do të ketë një përfaqësues më shumë opozita në drejtimin e zgjedhjeve dhe në cilat KZAZ do të ketë përfaqësuesin, drejtues mazhoranca.

Luli Basha ka propozuar që komisionet të ngelen siç janë dhe vetëm shorti të zgjidhet për komisionerin e pavarur. Pse duhet Kod i ri kur aktualisht sistemi zgjedhor në Shqipëri ka të njëjtën formulë, siç po negocion Luli Basha?

Sot gjysmat i ka opozita dhe gjysmat mazhoranca dhe drejtimi i tyre vendoset me short sërish.

Luli Basha me sa duket besoi apo shpresoi që kërkesat do i kundërshtoheshin. Kur pa se kushtet e vëna, ju pranuan nga mazhoranca, Luli është gjetur totalisht i papërgatitur dhe ka vijuar të përcjellë kushte të reja.

I ndodhur përballë presionit amerikan për të nënshkruar marrvëshjen, pasi ka sajuar këtë lëvizje qe në fakt ruan të njëjtën formulë komisionesh që kemi pasur edhe në zgjedhjet e kaluara, dhe vetëm komisionerin apolitik ta zgjedhim me short, duke humbur publikisht, gjeti grepin vetëm për drejtimin e KZAZ-ve, të cilat më parë gjysmat i kishte opozita dhe gjysmat mazhoranca e që tani do që të drejtohen nga një komisioner apolitik.

Tani pasi e njohen Luli Bashen, të huajt duhet të kuptojnë që në emër të negociatës, po nxjerrin një produkt që bllokon zgjedhjet.

Rruga ekstrainstitucionale favorizon PD-në në qëllimet e veta bllokuese.

Opozita jashtëparlamentare në këtë rast është në keqbesim.

Zgjidhja duhet kërkuar tek mekanizmat ligjore, parlamentare dhe institucionale.

Parlamenti duhet të kthejë versionin e ekspertëve dhe të nisë miratimin e draftit.

Me këtë që po bëjnë ndërkombetarët, opozita nuk u ndëshkua për daljen nga sistemi. Përkundrazi u faktorizua.

Dhe ky është gabim që do të rezultojë i pafalshëm.

Reforma duhet të shkojë drejt plotësimit të standarteve dhe rekomandimeve, jo drejt plotësimit të kërkesave politike. Ekspertiza ndërkombëtare duhet të kujdeset që mekanizmat e reja të jenë të paanshme, të barazlarguara nga palët dhe të lidhura strikt në ligjin. Depolitizimi i administratës zgjedhore është kusht i OSBE/ODHIR. Nuk është lëndë për negociim.

Këtë duhet të kuptojnë ndërkombëtarët rishtarë, tani që u prezantuan me Luli Bashën./ CNA.al