Luli Basha i LSI-së, po kërkon Kodin Zgjedhor ekzistues ose një version që bllokon zgjedhjet

4 Qershor 2020, 09:11, Politikë CNA

Të dashur demokrate dhe demokratë!

Për të kuptuar se çfarë ka dalë nga puna e ekspertëve në tryezen zgjedhore dhe çfarë do dalë nga divani i negociatave të ambasadoreve, na u desh të benim një shikim të shpejtë të teksteve me stilin “si propozohet / si po kërkohet të bëhet”.

Drafti i ekspertëve i miratuar edhe nga PS parashikon kryekomisioner për zgjedhjet dhe organe ankimimi dhe shqyrtimi me dy nivele përpara se të dalë vendimmarrja nga kryekomisioneri.

Praktikisht organet e shqyrtimit dhe ankimimit janë kolegjiale dhe KQZ parashikohej të shndërrohej në organ monokratik duke lidhur përgjegjësinë për vendimmarrjen te individi.

Luli Basha ka kërkuar që ti shtojë skemës edhe një zëvendeskryekomisioner me vendimmarrje me firmë të përbashkët me kryekomisionerin. Sigurisht edhe të drejtën e propozimit të emrit për kandidatin.

Po kërkohet praktikisht kolegjialitet me formulë bllokuese për vendimmarrjen.

Nëse i vezhgon secilen me rradhë, të gjitha formulat që ka kërkuar PD ose janë “zgjidhje” që e lënë situatën e procesit siç ka qënë, pra në drejtim të kundërt me depolitizimin e kërkuar nga OSBE/ODIHR, ose janë propozime me formula që rrezikojnë të gjitha të bëhen bllokuese të proçesit zgjedhor.

Drafti parashikonte administrate zgjedhore, e gjitha e ndërtuar mbi baza kandidimi të personave që dëshironin te ushtronin funksionin e administratorit zgjedhor. Të gjithë trajnohen dhe pajisen me çertifikatë si administrator zgjedhjesh. Për secilin ndërtohej databaza historike e sjelljes në procesin zgjedhor, e domosdoshme për proçese zgjedhore të ardhshme. Në rast se nuk kishte mjaftueshëm kandidatura, KQZ kryesisht përfshin duke përzgjedhur me short, administratë publike.

Nga hyrja në fuqi e draftit, administrata publike trajnohet e gjitha edhe si administratorë zgjedhjesh. Çertifikata e trajnimit si administrator zgjedhjesh shndërrohet ne CV për çdo punonjës administrate. Dhe çertifikimi si administrator zgjedhjesh është kusht karriere për administratën publike.

Qëllimi është arritja e plotësimit të rekomandimit OSBE/ODIHR, pra depolitizim i plotë i administratës zgjedhore.

Proçedura e hapjes së kutive është thjeshtuar për të rritur presionin tek numëruesit dhe përpunuesit e të dhënave, duke bërë praktikisht të pamundur tendencën për manipulim të fletëve, kutive dhe eventualisht rezultatit.

Fakti që kutite mund te hapen ne cdo rast, detyron friken nga ligji per administratoret e zgjedhjeve.

Këto janë vetëm dy nga skemat se si ishte drafti i ekspertëve.

Nga këto skema kuptohet qartë se si LSI/PD po kërkojnë të masakrojnë draftin në emër të negociatës dhe se pse kanë tre vjet që bllokojnë proçesin duke vazhduar të shpikin kërkesa shtesë edhe sot, sa herë ato u pranohen nga pala tjetër.

Gjithçka flet vetëm për një gjë. Luli Basha nuk po negocion për PD-ne në komisionin e Reformës. Ky stil negociate i përket LSI-së. Luli Basha ka braktisur përfundimisht demokrateët që janë hambari i administratorëve zgjedhore për një forcë të madhe politike si PD, dhe po kujdeset që proçesin zgjedhor t’ja lërë një tufe kamikaze të caktuar nga LSI. Demokratët i kanë dalë tepër. Tani Luli ka nja 200 Petrita të LSI-së. Me ata do luftojë për fitoren e demokratëve./ CNA.al