web counter
LEXO PA REKLAMA!

SHKARKO APP

App Store
Google Play

Vritet roja në Himarë/ Shoqërohen disa persona

31 Maj 2020, 17:31, Kronika CNA

Një ngjarje e rëndë është regjistruar ditën e sotme në zonën mes fshatrave Kuç dhe Qeparo, Himarë.

Mësohet se 65 vjeçar, i cili punonte si roje në rrugën e re që po ndërtohet në fshatin Kuç, është gjetur i pajetë në një zonë të pyllëzuar.

Viktima është identifikuar si Ylli Luçaj ndërsa dyshohet se është vrarë me armë zjarri.

Rrethanat janë ende të paqarta por Policia po kreh zonën dhe ka shoqëruar disa personave që mund të kene dijeni për ngjarjen.

?Më datë 31.05.2020, midis fshatrave Kuç dhe Qeparo, Himarë, në një zonë të pyllëzuar, është gjetur i pajetë shtetasi Y. L., 65 vjeç, banues në fshatin Kuç, i cili punonte si roje në rrugën e re që po ndërtohet në fshatin Kuç, Himarë.

Menjëherë në vendngjarje kanë shkuar shërbimet e Komisatiatit të Policisë Himarë ku paraprakisht dyshohet se shtetasi Y.L, në rrethana ende të paqarta ka humbur jetën si pasojë e përdorimit të armës së zjarrit.

Shërbimet e policisë po krehin zonës si dhe po vijon shoqërimi i personave që mund të kenë dijeni për ngjarjen

Grupi hetimor i përbërë nga specialistë të Hetimit të Krimit në Komisariatin e Policisë Himarë dhe specialistë të Krimeve të Rënda të Drejtorisë Vendore të Policisë Vlorë nën drejtimin e Prokurorisë së Rrethit Vlorë, po vijon punën për zbardhjen e rrethanave të ngjarjes.?/CNA.al

 





Lajmet e fundit nga