E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Jetojmë në Venezuelën e Manduros?”/ Ish-deputeti ngre alarmin: Rikthehen krimet, Shqipëria e pasigurt

31 Maj 2020, 11:24, Kronika CNA

Ish-deputeti i PD, Xhemal Gjunkshi ka bërë një deklaratë të fortë pas shpërthimit të eksplozivit në hotelin e familjes së Ervin Matës dhe pas dy vrasjeve në Kurbin nga atentati i mbrëmshëm.

Sipas Gjunkshit rendi dhe siguria në vend janë në nivele alarmante dhe Shqipëria është vend i pasigurt.

Më tej në postimin e tij në facebook, ish-deputeti shkruan se janë rikthyer krimet pas një periudhe 2 mujore në karantinë ndërsa rendit me radhë ngjarjet e ndodhura.

?Rendi dhe Siguria në nivele alarmante! Vrasje, plagosje, përdhunim, krim, trafikim lëndësh narkotike, tritol, pasiguri në Shqipëri! Vetëm brenda 24 orëve shikojmë që portalet dhe televizionet pushtohen nga kronikat e zeza.

Pyetja shtrohet ku jetojmë?

Në Venezuelën e Manduros?

Në Shqipërinë:

E shkatërrimit,

Të vrasjeve,

Të plagosjeve,

Të përdhunimit,

Të trafikimit lëndëve narkotike ,

Të tritolit?

Të pasigurisë?

Ne Caracas Venezuelë?

Apo në Tiranë e gjetkë?

Rikthehen vrasjet, krimet, përdhunimet, grabitjet, aksidentet, etj. Pas një periudhe gati dy mujore me siguri fiktive në vend, pa krime dhe vrasje për shkak të mbylljes së vendit nga COVID 2019, rikthehet pasiguria. Televizionet janë të mbushur me kronikë të zezë, pasiguria është kthyer në normë, vrasje dhe aksidente që ndodhin çdo ditë.

Është e trishtë kur shikon se vetëm gjatë 24 orëve të fundit kanë ndodhur kaq shumë ngjarje:

Ekzekutohet një person para një hoteli në Kurbin! Plagosen dy tjerë.

Një djalë 28-vjeçar plagoset me armë zjarri në këmbë në Shijak, mister rrethanat.

Në Elbasan një fugon mallrash del nga rruga përfundon në përrua, plagoset drejtuesi.

Shpërthim tritoli pranë një hoteli të një personazhi të lidhur me botën e krimit në Tiranë.

Në Lezhë, një automjet përplas për vdekje një person që po udhëtonte me motoçikletë.

Një 65-vjeçar abuzoi seksualisht me dhunë një të mitur 15-vjeçare.

Më tepër se kurrë është koha të jemi të bashkuar dhe t?i themi stop drejtimit të kësaj qeverie të përlyer me krim e korrupsion, kësaj qeverie që ka mbushur sytë e shqiptarëve me zhgënjim e dëshpërim. Kjo nuk është Shqipëria që duam!?, shkruan ish deputeti./CNA.al