“Më bënë ofertë 2 milionë euro për Olsi Ramën”, rrëfimi special i presidentit të Partizanit

31 Maj 2020, 16:30, Sport CNA

Presidenti i Partizanit Gazmend Demi deklaroi se ka refuzuar një ofertë nga një klub europian për të lejuar drejtorin e klubit Olsi Rama të kalojë te ky klub.

Për emisionin ?E diell? kreu i kampionëve të Shqipërisë foli gjithashtu dhe për dëmin financiar që ka shkaktuar koronavirusi te Partizaani. Ai pranoi se të gjithë janë paguar, ndërsa pagën e fundit e ka siguruar me borxh.

Nga ana tjetër, Demi foli se Partizani do të zhvillojë takimin e parë të sezonit të ardhshëm në stadiumin e tij të ri, ndërsa kompleksi sportiv do të jetë gati për fazën e dytë të edicionit të ri.

Në lidhje me sezonin e Partizanit, Demi theksoi se nëse skuadra arrin pjesëmarrjen në kompeticionet europiane, do të jetë një ?çerek sukses?, ndërsa uroi presidentin e Tiranës Refik Halilin për titullin kampion, edhe pse matematikisht bardheblutë nuk mund të konsiderohen fitues të këtij edicioni.

?Batuta për Safet Gjicin dhe kryeministrin Rama ? Presim ta fitojë kampionatin Kukësi, ne të shkojmë në UEFA. Këtë të koronës shyqyr që patëm Ramën, na e kaloi.

Rifillimi i kampionatit ? Unë nuk e di ilaçin, pyet homologët. Ato rregullore që u bënë nga FSHF-ja sinqerisht është e pamundur të luhet. U bë kompromisi. Për mua nuk duhet të fillonte, është e vështirë të luhet me këto rregulla.

Partizani ? Nuk ka gjithmonë suksese vit për vit. Nuk kemi qenë aty ku duhet. Ndonjëherë dhe lojtarët e huaj që marrim, mendojmë se janë më të mirë se këta tanët, por nuk e di, ndoshta nuk përshtaten. Nëse arrijmë te UEFA, do të jetë një vit çerek i suksesshëm.

Ofertë për Olsi Ramën ? Safeti do t?i marrë pa lek. Më ka ardhur një ofertë 2 milionë euro nga një ekip i huaj. I doja të gjithë lekët të vijnë në bankë. Një pjesë do të ma jepnin kesh, por nuk doja të prishja rregullat e federatës. Ishte nëj ofertë serioze nga një ekip shumë serioz.

Tirana drejt titullit me ish-lojtarë të Partizanit ? Më duket normalitet. Lojtarët japin më të mirën kudo. Më bëhet qejfi që po japin ndihmë për Tiranën.Tiranën s?e kemi armik, se këtu jemi në një qytet. Është një detyrim minimal që të japin maksimumin kudo.E urova te mbledhja për titullin Refiku. ?Urime Rid?, i thashë. Tani e kanë vetë në dorë.

Lorenc Jemini ? Në informacionin tim, nuk ka gabuar ndonjëherë Jemini. Dhe po ka gabuar, ka gabuar pa dashje. S?mbaj mend të kenë gabuar ndonjëherë. Nuk jamë zemërgjerë nga karantina. Jam zemërgjerë se nuk do të bëj shpenzime për kampionatin tjetër. Se do të marr lojtarë më të fortë meqë po mbarojmë stadiumin. Nuk besoj të mos e ketë falur dhe Armandua (presidenti i FSHF-së). Se të gjithë jemi zbutur. Edhe ai duhet ta ketë folur, ndoshta këtë kohën e Koronës.

Dëmi financiar i koronavirusit te Partizani ? Na ka ndikuar shumë, edhe mua te bizneset e mia. Që do të ketë penalitet nuk shkon për logjikë. Ne jemi munduar. Atë bazën 1 milionë lekë e kanë marrë të gjithë. Do të paguajmë prapë, do të kemi kompromis brenda rregullave. Besoj se dhe UEFA dhe FSHF do të jenë më zemërgjerë. Nuk kemi mundësi. Rrogën e kam marrë borxh. Edhe lojtarët i ka zbutur korona.

Inagurimi i stadiumit ? Ndoshta jo i gjithë kompleksi, ndeshja e parë do të bëhet në ministadiumin tonë, kompleksi do të jetë gati për fazën e dytë?, përfundoi presidenti i Partizanit Gazmend Demi.