web counter
LEXO PA REKLAMA!

SHKARKO APP

App Store
Google Play

E fundit!

x

“Dua një ditë me dritë”, poezia prekëse e futbollistit të Skënderbeut para se të ndërronte jetë

31 Maj 2020, 07:56, Sport CNA

Ish-futbollisti i akademisë së Skënderbeut Dorian Tahirllari, nuk ia doli të fitojë betejën me sëmundje e rëndë, duke ndërruar jetë mbrëmjen e djeshme në Spitalin e Korçës rreth orë 22:00.

Një lajm tronditës ky që preku mbarë opinionin sportiv dhe jo vetëm. Sëmundja e rëndë i ndërpreu në mes ëndrrat djaloshit 18-vjeçar, i cili luftoi 2 vjet për ta fituar këtë betejë, por fundi ishte tragjik.

Para se të ndërronte jetë, ekzaktësisht më 22 prill, Dori shkroi një poezi te titulluar “Dua një ditë me dritë”, por mbrëmjen e djeshme kjo dritë u fik përfundimisht, duke u shndërruar në një dhimbje të thellë për të gjithë miqtë dhe të afërmit e 18-vjeçarit…/CNA.AL/

?Dua një ditë me dritë?
Një ditë ku asgjë nuk ishte si ditët e tjera,
një ditë ku nuk kishte asgjë brenda saj.
Një ditë që të shurdhonte nga vetmia.
Një ditë ku mërzia dukej e zakonshme.
Një ditë ku dukej sikur dhimbja ishte miku im.
Një ditë ku lulet janë ujitur nga lotët e mi,
ku nëna lutej për shërimin e këtij djali.
Një ditë ku kujtova gjithçka…
Fëmijërinë time,fushën e gjelbërt,shokët e mi…
Një ditë ku lotoja dhe vuaja për ëndërrat,qëllimet dhe motivet e mia…
Kujtoja ditën kur lutesha për to e sot ato luten për mua…
Një ditë ku lutja është tek Zoti…
Dua t’i lutem atij për ëndërrat e mia.
Dua t’i lutem për mua…
Ishte një ditë që më kujtoi gjithë ato ditë…





Lajmet e fundit nga