web counter
LEXO PA REKLAMA!

SHKARKO APP

Lajm i keq për Partizanin, mbrojtësi i ekipit mungon ndaj Skënderbeut

30 Maj 2020, 08:16, Sport CNA

Partizani fitoi 8-1 të mërkurën në ndeshjen miqësore me Turbinën, por në pjesën e dytë pati alarm në kampin e kuq, pasi u dëmtua mbrojtësi Amir Bilali.

Fillimisht lëndimi i 26- vjeçarit u duk i rëndë, pasi nga një dyluftim mori një goditje në shpatull dhe fytyrë dhe për të evituar problemet, ai u dërgua menjëherë në spital.

Por Bilali ka pasur fatin me vete në këtë rast, pasi ia ka hedhur pa probleme. Pas ekzaminimeve të hollësishme mjekësore ka rezultuar se mbrojtësi nuk ka pësuar dëmtim të rëndë.

Gjithsesi, stafi mjekësor dhe ai teknik kanë vendosur që ta lënë pushim Amir Bilalin për 3- 4 ditë, në mënyrë që të marrë veten. Duke ditur se kampionati rinis të mërkurën e 3 qershorit, me shumë mundësi i bie që Amir Bilali të mos llogaritet për Skënderbeun.

Në këto kushte i bie që trajneri Sormani, përveç Uilliam Melos të pezulluar nga kartonët, të mos ketë as shërbimet e mbrojtësit nga Gostivari.





Lajmet e fundit nga