web counter
LEXO PA REKLAMA!

SHKARKO APP

App Store
Google Play

Nga rindërtimi te plazhet dhe kufijtë/ Rama tregon çfarë do ndryshojë nga 1 qershori

27 Maj 2020, 19:50, Sociale CNA

Kryeministri Edi Rama tregoi se nga 1 qershori do të hapet e gjithë Shqipëria dhe do të ketë edhe më tepër lehtësime masash.

Në një videolive në rrjetet sociale, Rama tha se do të hapim kopshtet dhe çerdhet, kufijtë tokësorë, lëvizja përtej zonave të kuqe, si dhe rindërtimi i banesave të shembura nga tërmeti i 26 nëntorit.

?Shqipëria është një histori suksesi, do të bëjmë çmos që rikthimi në normalitet të mos na kthehet në një boomerang, por normalizimi do të vazhdojë, do të hapim kopshtet dhe çerdhet, kufijtë tokësorë, makina në të gjithë vendin, edhe plazhet. Por asnjë subjekt privat përveç hotele, nuk do vendosë çadra në rërë. Kjo do të jetë java e fundit me zonat me ngjyra dhe kjo fundjavë do të jetë e fundit me ndalim kufiri përtej zonës së kuqe, detajet i japim të premten kur të dalë urdhri nga autoritetet.

Ju falenderoj për gjithçka dhatë dhe bëni kujdes kur gjithçka varet nga secili prej jush. Do të vazhdojmë punën dhe do të prezantojmë shumë shpejt planin e rimëkëmbjes ekonomike, që po merr formë ku do të dalim më të fortë nga kjo vuajtje, do të investohemi me të gjitha energjitë tona, nga fillimi i qershorit do të hapen kantierët e rindërtimit dhe deri në fund të vitit të gjithë të prekurit nga tërmeti do të futen në shtëpitë e tyre. Do të bëjmë një plan investimesh që do të krijojë mundësi të reja, do të zgjerojë frymarrjen e organizmit të këtij vendi?, u shpreh kreu i qeverisë./ CNA.al





Lajmet e fundit nga