web counter
LEXO PA REKLAMA!

SHKARKO APP

App Store
Google Play

E fundit!

x

"Kurba anormale në Shqipëri”/ Shehu thirrje Komitetit Teknik: Jepni shpjegime

27 Maj 2020, 14:45, Lifestyle CNA

Tritan Shehu, ish-ministër Shëndetësie, deklaroi se kurba anormale në Shqipëri tregon se diçka nuk po funksionon në menaxhimin e pandemisë së Covid-19.

?E kam ngritur disa herë shqetësimin për kurbën anormale në Shqipëri. Është një kurbë pa trend, që tregon se diçka nuk funksionon dhe nuk shkon. Anëtarët e Komitetit Teknik duhet të japin shpjegime për këtë kurbë të çuditshme, që nuk e gjen në asnjë vend tjetër. Mendoj se ajo që nuk shkon lidhet me numrin shumë të vogël të testimeve, gjë që nuk të lejon të dalësh në përfundime. Së dyti, metodologjia lë shumë për të dëshiruar. Së treti, kurba duket sikur lëviz me çelës poshtë tavolinës, në bazë të konjukturave politike. Së katërti, masat që merren janë joracionale dhe i fusin qytetarët në hapësira të ngushta, duke mos i lënë që të dalin në hapësira të hapura?, shpjegoi Shehunë ?Ditari? në A2

Që kurba të mos përdoret sipas konjukturave të ndryshme politike, ish-ministri theksoi se ?profesionistët duhet të bëjnë më shumë oponencë, siç bëjnë kolegët e tyre në SHBA, Gjermani, Francë apo Itali, për të mbrojtur konceptet shkencore dhe vizionin e tyre?.

?Të mos heshtin përpara arbitraritetit të pushtetit. Duhet të kenë më shumë guxim për të thënë qartë mendimin e tyre?, nënvizoi Shehu.

Sipas tij, është shenjë e keqe fakti që një vatër e re është krijuar në QSUT: ?Shenjë e keqe është numri i lartë i rasteve në spitale, kjo tregon se nuk shkon diçka e madhe në masat e mbrojtjes së personelit mjekësor?./CNA.al

 





Lajmet e fundit nga