web counter
LEXO PA REKLAMA!

SHKARKO APP

App Store
Google Play

E fundit!

x

“Këtu drejtësia ka marrë fund”/ Budina thirrje ndërkombëtarëve të reagojnë

20 Maj 2020, 16:41, Sociale CNA

Regjisori Robert Budina, teksa mbajti fjalimin para protestuesve tha se Teatri Kombëtar u sulmua me një akt terrorist.

Duke kërkuar të dalin para drejtësisë, porositësit dhe ekzekutuesit e shembjes së Teatrit, Budina i bëri gjithashtu thirrje ndërkombëtarëve të reagojnë.

?Kryeministri tha unë kam votat dhe bëj çtë dua. Kërkojmë nga drejtësia të zbardhë sulmin terrorist mbi artistët dhe aktivistët, qytetarët. Kemi të gjitha pamjet kur tërhiqen zvarrë intelektualët sepse donin të mbronin teatrin. Ne nuk do të tërhiqemi se jemi kockë e fortë.

Disa aktivistë u mbajnë në qeli për 72 orë, të tjerë u lanë në arrest shtëpi, asnjë procedim për forcat e policisë. Këtu drejtësia ka marrë fund. Kontrata me shtetin është thyer. Nëse nuk ka reagim nga drejtësia e re qytetarët legjitimohen të mbrojnë veten dhe pasurinë e tyre me të gjitha format.

Kemi depozituar dy kallëzime në SPAK për kryetarin dhe n/ kryetarin e bashkisë për korrupsion dhe tani për vrasje në tentativë dhe nuk kemi pasur asnjë reagim.

Ne kërkojmë të dalë para drejtësisë porositëve i sulmeve, ekzekutuesi, njësia që e kreu, institucioni që duhet ta mbronte, IKMT, të gjithë drejtorët që vendosën firmën në një raport të pakryer asnjëherë. Inxhinierët që kanë firmosur pa qenë asnjëherë në godinë.

Një hap i parë është ndalimi i çdo punimi në truallin e Teatrit. Kërkesa nga ana e Prokurorisë dhe shpallja për procedim penal për të përfshirët. Ne do të pengojmë me forcë në të kundërt projektin. Ju bëj bëj thirrje ndërkombëtarëve të reagojnë” tha ai./CNA.al

 





Lajmet e fundit nga