web counter
LEXO PA REKLAMA!

SHKARKO APP

App Store
Google Play

Dhuna ndaj Lelës dhe punonjësve të medias/ Shoqata e Gazetarëve: Ishte e targetuar

20 Maj 2020, 16:32, Sociale CNA

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë kanë reaguar lidhur me shoqërimin e gazetarit Alfred Lela mëngjesin e ditës kur u shemb Teatri Kombëtar.

Shoqata dhe Lidhja e Gazetarëve dënojnë me forcë dhunën shtetërore të ushtruar nga policia ndaj Lelës, si dhe punonjësve të tjerë të medias më 17 Maj.

Sipas tyre, dhuna ndaj punonjësve të medias ka qenë e targetuar, ndaj i bëjnë thirrje kryeministrit Rama të distancohet nga akte të tilla.

?Në kushtet kur ende nuk ka një ndjesë publike dhe ndëshkim të autorëve me uniformë apo të fshehur në shkelje të ligjit, për ato akte dhune, të cilat u pasqyruan nga çdo media, ne gjykojmë se dhuna ndaj gazetarit Lela dhe e kolegëve të tjerë, nuk ka qenë e rastësishme, por e targetuar! Deklaratat e ministrit të brendshëm se ?tek policët duhet të shohim ministrin e brendshëm? është flagrante dhe justifikuese e dhunës barbare ndaj kolegut Alfred Lela dhe kolegëve të tjerë.

Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë i bëjnë thirrje kryeministrit Rama të distancohet nga akte të tilla, që dëshmojnë se sa i rrezikshëm po bëhet zanati i gazetarit nën qeverisjen e tij. Kujtojmë se një gazetar në detyrë duhet të jetë njëlloj i paprekshëm, si një punonjës me uniformë në detyrë! Heshtja për dhunën ndaj gazetarëve ka gjithë tiparet e, në mos të një direktive, të paktën të një bashkëfajësie shtetërore në një vend të NATO-s e në pritje të antarësimit në BE, që e ka shembur diktaturën 3 dekada më parë?, thuhet në deklaratë./ CNA.al





Lajmet e fundit nga