web counter
LEXO PA REKLAMA!

SHKARKO APP

App Store
Google Play

E fundit!

x

“Tentuan të na vrasin brenda Teatrit"/ Budina thirrje të forta: Të hetohet ngjarja

18 Maj 2020, 15:40, Politikë CNA

Regjisori Robert Budina hapi protestën e thirrur dje pas shembjes së Teatrit Kombëtar dhe ka treguar se si u sulmuan dje nga policia.

Budina bëri një thirrje të fortë për politikanët, prokuorinë e SPAK-un që të hetojnë ngjarjen e mëngjesit të djeshëm, pasi ngriti akuzat se janë tentuar të vriten artistët.

?Dje në orën 04:30, një pjesë e artistëve, u sulmuam nga policia me një aksion blic të paimagjinueshëm. Një pjesë e jona u fut brenda Teatrit, policia me një urretje, na sulmoi dhe përgjetë kohë që u mbyllëm brenda ambjenteve, sipas disa dëshmive, filloi shembja e tij duke rrezikuar jetët, jo vetëm tona, por edhte të policëve që kishin ardhur të na largonin ne. Qëllimi i protestës sonë është një.

Ftojmë Pokurorinë, ftojmë qeverinë, ftojmë opozitën shqiptare, ftojmë prokurorët e SPAK-ut të hetojnë këtë ngjarje, pasi ishte tentativë për vrasje, të artistëve që ishin brenda teatrit. Ne sot kemi kontaktuar edhe me faktorin ndërkombëtar për t?i bërë të qartë se atë që ka ndodhur dhe ne duam të zbardhet kjo ngjarje dhe pse u sulmua kultura në këtë ditë gjatë kohës së pandemisë.

Deri tani sigurisht kemi marrë një mbështetje, kjo ngjarje nxori në pah sistemin e drejtësisë. Ju jeni sot të shumtë në numër këtu, pasi simbolika e teatrit kombëtar, ishte qëndrimi në këmbë i demokracisë shqiptare. Pasi ajo godinë u shemb me ligje antikushtetuese. Ne u detyruam që të mbronim fizikisht godinë dhe u gjendëm të vetëm, pa asnjë mënyrë se si ta zgjidhnim. Dhe në mënyrë të tërthortë ne përcollëm problemet e demokracisë shqiptare. Ja pra që kjo godinë nuk ishte halli jonë, por dhe halli juaj?, deklaroi ai./ CNA.al





Lajmet e fundit nga